1 Mbi 1 - Chiyawo Bible

Mena ga acinangolo kutandilila pa Adamu mpaka pa Abulahamu

¹ Adamu* ŵaliji babagwe Seti, nipo Seti ŵaliji babagwe Enoshi, Enoshi ŵaliji babagwe Kenani,

² Kenani ŵaliji babagwe Mahalalele, Mahalalele ŵaliji babagwe Yaledi,

³ Yaledi ŵaliji babagwe Enoki, Enoki ŵaliji babagwe Metusela ŵele ŵiŵaliji babagwe Lameki,

⁴ nipo Lameki ŵaliji babagwe Nowa. Nowa ŵakwete ŵanace ŵacalume ŵatatu, mena gawo galiji Shemu, Hamu ni Yafeti.

⁵ Ŵanace ŵa Yafeti ŵaliji Gomeli, Magogi, Madayi, Yafani, Tubali, Mesheki ni Tilasi.

⁶ Gomeli ŵaliji nangolo jwa Ashikenasi, Lifati ni Togama.

⁷ Yafani ŵaliji nangolo jwa Elisha, Talishishi, Saipulasi ni Lodanimu.

⁸ Ŵanace ŵa Hamu ŵaliji Kushi, Iguputo, Libiya ni Kenani.

⁹ Kushi ŵaliji nangolo jwa Seba, Hafila, Sabita, Lama ni Sabiteka. Ŵanace ŵa Lama ŵaliji ŵandu ŵa ku Seba ni Dedani.

¹⁰ Kushi ŵakwete mwanace lina lyakwe Nimulodi juŵaliji mundu jwandanda jwamacili pa cilambo.

¹¹ Iguputo ŵaliji nangolo jwa ŵandu ŵa ku Lidiya, Anamimu, Lehabu, Nafutuhimu,

¹² Patilusimu, Kasiluhimu ni ŵandu ŵa ku Kilete (juŵaliji nangolo jwa Afilisiti).

¹³ Ŵanace ŵa Kenani ŵaliji Sidoni, ni Heti juŵaliji jwakwitiwo.

^14-16 Kenani ŵaliji soni nangolo jwa Ayebusi, Aamoli, Agiligashi, Ahifi, Aaliki, Asini, Alifadi, Asemali ni Ahamati.

¹⁷ Ŵanace ŵa Shemu ŵaliji Elamu, Ashuli, Alipakisadi, Ludi, Alamu, Usi, Huli, Getele ni Mesheki.

¹⁸ Alipakisadi ŵaliji babagwe Shela, soni ŵaliji ambujegwe Eba.

¹⁹ Eba ŵakwete ŵanace ŵaŵili. Jwandanda kupagwa ŵampele lina lyakuti Pelegi ligongo lyakuti kupitila mu ndaŵi jakwe, ŵandu ŵa pacilambo ŵagaŵikene mwa mitundu jawo. Lina lya mwanace jwaŵili lyaliji Yokitani.

²⁰ Yokitani ŵaliji nangolo jwa ŵandu ŵa ku madela ga Alimodadi, Shelefi, Hasamafeti, Yela,

²¹ Hadolamu, Usali, Dikila,

²² Eba, Abimayele, Sheba,

²³ Ofili, Hafila ni Yobabu.

²⁴ Ŵandu ŵa mwiŵasa lya Shemu ŵaliji Alipakisadi,

²⁵ Shela, Eba, Pelegi, Lewu,

²⁶ Selugi, Naholi, Tela,

²⁷ Abulamu (ŵele ŵakolanjidwe kuti Abulahamu).*

Yisukulu ya Ishimaeli

²⁸ Abulahamu ŵakwete ŵanace ŵaŵili, mena gawo galiji Isaki ni Ishimaeli.

²⁹ Ishimaeli ŵakwete ŵanace 12 ŵaŵapagwile mwakuyana mwamti myi: Nebayoti, Kedala, Adibele, Mibisamu,

³⁰ Mishima, Duma, Masa, Hadadi, Tema,

³¹ Yetulu, Nafishi ni Kedema.

³² Abulahamu ŵakwete jwamasengo jwamkongwe lina lyakwe Ketula juŵagonile najo, nipo ŵaŵelece najo ŵanace msano ni jumo, mena gawo galiji Simulani Yokishani, Medani, Midiyani, Ishibaki ni Shuwa. Yokishani ŵakwete ŵanace ŵaŵili, mena gawo galiji Sheba ni Dedani.

³³ Midiyani ŵakwete ŵanace msano, mena gawo galiji Efa, Efele, Hanoki, Abida ni Elida.

Yisukulu ya Esawu

³⁴ Isaki mwanace jwa Abulahamu ŵakwete ŵanace ŵaŵili, mena gawo galiji Esawu ni Yakobo.*

³⁵ Ŵanace ŵa Esawu ŵaliji Elifasi, Leuwele, Yeushi, Yalamu ni Kola.

³⁶ Ŵanace ŵa Elifasi ŵaliji Temani, Omali, Sefo, Gatamu, Kenasi, Timuna ni Amaleki.

³⁷ Ŵanace ŵa Leuwele ŵaliji Nahati, Sela, Shama ni Misa.

Alukosyo ŵa ku Edomu

^38-42 Alukosyo ŵasyesyene ŵa ku Edomu ŵapagwile mwa ŵanace ŵa Seli ŵaliji Lotani, Shobali, Sibiyoni, Ana, Dishoni, Esalani Dishani. Ŵanace ŵa Lotani ŵaliji, Holi ni Homamu. (Mlumbugwawo Lotani waliji Timuna). Ŵanace ŵa Sobali ŵaliji Aliyani, Manahati, Eba, Shefi ni Onamu. Ŵanace ŵa Sibiyoni ŵaliji Ayiya ni Ana. Mwanace jwa Ana ŵaliji Dishoni nipo ŵanace ŵa Dishoni ŵaliji Hamulani, Eshibani, Itilani ni Kelani. Ŵanace ŵa Esele ŵaliji Bilihani, Shafani ni Yakani. Ŵanace ŵa Dishani ŵaliji Usi ni Alani.

Ayimwene ŵa ku Edomu

⁴³ Aga ni mena ga ayimwene ŵaŵalamulile ku cilambo ca Edomu, pa ndaŵi jiŵaliji ali ŵangali mcimwene jwalijose mcilambo ca Isalaeli: Bela mwanace jwa Bewoli ŵalamulile cilamboco kutyocela kulikulungwa lyakwe ku Dinihaba.

⁴⁴ Piŵawile Bela, Yobabu mwanace jwa Sela jwa ku Bosila ŵajinjile ucimwene m'malo mwakwe.

⁴⁵ Piŵawile Yobabu, Hushamu jwa ku cilambo ca Temani ŵajinjile ucimwene m'malo mwakwe

⁴⁶ Piŵawile Hushamu, Hadadi mwanace jwa Bedadi jwele juŵapundile pa ngondo jiŵamenyanaga ni Amidiyani ku cilambo ca Mowabu, ŵajinjile ucimwene m'malo mwakwe. Ŵalamulilaga mu msinda wa Afiti.

⁴⁷ Piŵawile Hadadi, Samula jwa ku Masileka ŵajinjile ucimwene m'malo mwakwe.

⁴⁸ Piŵawile Samula, Saulo jwa ku msinda wa Lehoboti ku Lusulo lwa Yufuleti ŵajinjile ucimwene m'malo mwakwe.

⁴⁹ Piŵawile Saulo, Baala Hanani mwanace jwa Akiboli ŵajinjile ucimwene m'malo mwakwe.

⁵⁰ Piŵawile Baala Hanani, Hadadi ŵalamulile kutyocela ku msinda wa Pawu. Ŵamkwawo ŵaliji Mehetabele, mwanace jwamkongwe jwa Matiledi soni ŵaliji cisukulu ca Mesahabu.

⁵¹ Piŵawile Hadadi ayimwene ŵakuyicisyaŵa ŵalamulilaga ku Edomu: Mwenye Timuna, Alifa, Yeteti,

⁵² Oholibama, Ela, Pinoni,

⁵³ Kenasi, Temani, Mibisala,

⁵⁴ Magidiyele ni Ilamu.