Tang Ko Pitang 8 - Bible Ni Thothup

¹ Gu be athpeg ni fa’an mang e gur walageg ni pumo’on, ni chitnag e i tathuth nigem. Ma aram e fa’an gu ra mada’ nigem u kanawo’, ma gu ra farey owchem ma dariy be’ nra dabuy.

² Gu ra fekem ko naun ko chitnag, ni cha’an ni fil gubin e tin gumnang ngog. Gu ra pi’ ngom e tin th’abi fel’ lamen e wayin ma ku arrogon logwen wom’ngin e gek’iy.

³ Ah manga gu teyey’ ko ba’ ni gil’ay i pa’am, ma ga yin’ e ba’ ni mat’aw nga dakenag.

⁴ Mmicheged ngog, gimed e ppin nu Jerusalem, ni dab magawon niged e adag romow.

Bin n’el e tang Fapi Fager

⁵ Mini’ e re rugod ney ni be yib u daken e ted i yib, ni yow ba mokol pa’ef e en ni gamaren? U tan fare ke arfath e ug pugem riy, ko gin nni gargel nigem riy.

Fare Pin

⁶ Mu ning an’um ko gubin e adag kemus ni birog e ngam bing ngay; dariy be’ ni ngamun’ ngalan ngorngorem kemus ni go’ gag. Adag e bod feni gel gelngin e yam’; amithun e adag e bod feni gel e yam’. Ma gabulbul e daramram riy nge gak’ ni bod ba nifiy nib gelmirin.

⁷ Ran e dabiyag ni nge thang; ma dariy ba sugbur nra tharey. Machane fa’anra guy be’ rogon ni nge chuwi’iy e adag ko machaf rok, ma kemus ni fanenikan e ra yib riy ngak.

Pi Pumo’on ni walagen fare Bpin

⁸ Bay walagmad ni bpin ni kab bitir, ni dawori yib thuthun. Mang e ngad rin’ed ni fan ngak u nap’an nra par nga puluwon be’?

⁹ Fa’an mang e ir bang i rungrung, ma gadad ra toy ba wulyang ni silber ni fen. Machane fa’an mang e ba garog, ma gadad ra rungrunguy ko ren ni cedar.

Fare Pin

¹⁰ I gag e gu bang i rungrung, ma thuthug e wulyang riy. Adag rog e manang ni ir e gu ma pir’eg e felfelan’ nge gapas rok.

Fare Mo’on

¹¹ I Solomon e bay bang i grape ni fi’in u bang i n’en ni yima yog ni Baal Hamon. Bay girdi’en e woldug ni yad ma rent nag rok; nra bagyad mma pi’ puluwon ni bbiyu’ yang e silber.

¹² I Solomon e rib m’ag u wan’ e biyu’ rok e salpiy, ma girdi’en e milay’ e l’agruw mira’ay e birorad e f’oth; Bay bang e milay’ ni grape nri gag e fi’ig!

¹³ Adag rog, mu pageg nggu rung’ag lungum u daken e milay’; pi’in gamad e yad be son ni ngar rung’agged lungum ni ka mu non.

Fare Pin

¹⁴ Adagen an’ug, moy, ni bod ba gamanman ni gazelle, fa ba fak e gamanman ni deer u daken e pi burey ni gin ma tugul e spice riy.