Tang Ko Pitang 5 - Bible Ni Thothup

Fare Mo’on

¹ Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Fapi Fager Bin aningeg e tang Fare Pin

² Ngiyal’ ni gu be mol, ma ba od lanin’ug. Mug lik’ay ni be tugtuguy gamareg e mab. Mu pageg to’ nggub nga naun’, gur fiti lanin’ug ma dove rog. Ke garda’ lolgeg ko wa’ngachol, ma ke monur piyan lolgeg ko garayuw.

Fare Mo’on Fare Pin

³ Ku gu mu’ i luf madag; are mangfan ngku ni gun’ bayay? Ku gu luknag rifrifen eg; are mangfan ni ngkug alitnag bayay?

⁴ Gamareg e ke tay pa’ ko mab, ma kugu t’on ko felfelan’ nike chugur ngog.

⁵ Ma ku gu fal’eg rogog ni nggu pag nga naun. Ke sug e myrrh u pa’ag, buglipa’ag e ke garda’ ko myrrh, ni ggogoy e man’ ko mab.

⁶ Gu bing e mab ngak gamareg, ma dakimo’ nike yan. Kargum’ ni bochan ni nggu rung’ag laman! U gu changarnag i yan mada gu pir’eg; U gu pining made fulweg lungug.

⁷ Pi tamatnag ko binaw e ra pir’eged gag; miyad pirdi’iyeg ngar maad’adgad ngog; fapi matnag ni yad bay ko yoror ko binaw a ra gochthiyed e thal ni wuru’ e mad rog.

⁸ Mmicheged ngog, gimed e ppin nu Jerusalem, ni fa’anra mu pir’eged e en gamareg, migmed yog ngak ni kug m’ar ni gube yik’ nga chogowen.

Fapi Fager

⁹ Re pin th’abi pidorang u fithik’ e ppin, mog en gamarem, yu gub thil u fithik’ gubin e girdi’? Ri mang e rib fel’ rok e re mo’on nir ni thingar gu michmichgad ngom?

Fare Pin

¹⁰ En gamareg e ba pichoay ma ba gel; yigo’ ir u fithik’ ragag e biyu’.

¹¹ Lolgen e bod e bin th’abi fel’ e gol; ma piyen lolugen e ba m’ingm’ing’, ni ba galunglung ni gowa ba arche’ ni gapluw.

¹² Lan owchen e bod yochi dove u charen yoch pa’ i lul, ni kani luknag ko milik ni bfel’ tagil’ u charen e lul’.

¹³ Linglingin e bod feni fel’usun bang i milay’ nib sug ko herbs nge spices. Dap’iligun e bod e floras ni giyab, nib monur ko myrrh nib renran.

¹⁴ Rifrifen pa’ e rib fel’ i chamay, baye luwaw riy nni ayliy e malang ni galgal ngay. Downgin e bpach ni bod e ivory, ni kan ayliy ko sapphire.

¹⁵ L’agruw raba’ i ay ni duga’ ni marble u daken rifrifen ay ni gol. Feni picho’ay e bod e burey nu Lebanon nge gek’iy riy ni cedar nib mal’eg.

¹⁶ Rib athib l’ugun ni yira kiss nag; gubin ban’en ni rarogon ma kagum’ ni bochan. Ppin nu Jerusalem, irera’ rogon e en gamareg.