Psalms 87 - Bible Ni Thothup

Yu Jerusalem nib th’abi fel’

¹ SOMOL e toy e binaw rok nga daken fare burey nib thothup;

² kab t’uf rok e binaw nu Jerusalem ko pi binaw ni bay u Israel.

³ Binaw rok Got, mu telim ko pin’en ni bfel’ nike yog ni murung’agem nike ga’ar:

⁴ “Ra gu the’eg e pi nam ni yad ma fol rog, mra gu uneg yu Egypt nge yu Babylonia ngay; ma ku bay gog ni yu Filistia nge yu Tyre, nge yu Ethiopia e bay ku ni mathe’eg ngorad ni girdi’en yu Jerusalem.”

⁵ Bay u nog ni urngin e nam nib mil farad nga Zion, ma en ni Gubin ma Rayag Rok e bay i gagiyegnag nge par nib gel.

⁶ I SOMOL e bayi tay nga babyor urngin e girdi’, me tayrad ni yad gubin ni kar manged girdi’en yu Jerusalem.

⁷ Yad ra churu’ miyad be tang ni be lungurad, “U Zion e ma yib urngin e tow’ath rok Got riy ngomad.”