Psalms 67 - Bible Ni Thothup

Ba tang ko ogmagaer

¹ Got, nge wurngan’um ngomad, ma ga fal’eg wa’athmad; mu changar ngomad u fanam gol,

² ya nge nang e fayleng ni polo’ e tin nib magan’um ngay, me nang urngin e pi nam e ayuw ni ga ma pi’!

³ Got, manga yigi pining e girdi’ e sorok ngom, manga yigi gubin girdi’ me pining e sorok ngom!

⁴ Manga yigi felan’ e pi nam ngar tang niged e felfelan’, ni bochan e mmat’aw rogon ni ga ma pufthinnag e girdi’, ma ga ma pow’iy urngin e nam.

⁵ A Got, manga yigi pining e girdi’ e sorok ngom, manga yigi gubin e girdi’ me pining e sorok ngom!

⁶ But’ e ke yib e ggan riy; Got, ni Got rodad, e ke fal’eg waathdad.

⁷ Got e ke fal’eg waathdad; mang e yigi liyor gubin e girdi’ u gubin yang ngak.