Psalms 138 - Bible Ni Thothup

Ba meybil ko Pongmagaer

¹ SOMOL, gu be pining e magaer ngom u polo’ i lanin’ug; Gu be tangnag e sorok ngom u p’eowchen e pi got.

² Gub sap ko Tempel rom ni thothup, ni gu be siro’, ma gu be pining e sorok nga fithingam ni bochan e t’ufeg rom ni dabimus nge fanam yul’yul’, ni bochan kam dag ni fithingam nge tin kamog ni ngan rin’ e ba mathangeluwol.

³ Kam fulweg lungug u nnap’an ni gu piningem; gelngim e mu gel nigeg ngay.

⁴ SOMOL, gubin e pilung nu fayleng e bay ra pininged e sorok ngom, ya kar rung’aged e tin kam micheg.

⁵ Bay ra tang niged murung’agen e tin kam rin’ nge murung’agen feni gilbugwam.

⁶ Yug aram rogon nri gab tolang ngalang, ma ga ma runguy e pi’in yad ba sobut’, ma pi’in ba tolangan’rad e dabyag ni ngar mithgad rom.

⁷ Nap’an nra ingeg e oloboch, ma ga yoror rog. Ga ma gad pa’am ngak e pi to’ogor rog ni kar damumuwgad mag ayuwegneg rorad nga ngelngim.

⁸ Bay mu rin’ urngin e tin kam micheg; SOMOL, tuf’eg rom e ba manemus. Mmu’nag e maruwel ni kam tababnag.