Psalms 133 - Bible Ni Thothup

Par u ta’bang nib Gapas

¹ Rib fel’ ma ba manigil, ni ngi i par e girdi’ rok Got u ta’bang nib ta’reb lungrad!

² Bod fare gapgep ni fen e mathiy ni rib t’uf ni be lul’ u lolgen nge roben Aron nga but’, nga daken bil’elgun e thal ni wuru’ e mad rok.

³ Bod e wa’angchal u daken e Burey ni Hermon, ni be mul nga daken e burey nu Zion. Ya ireram e gin ke micheg SOMOL e tow’ath rok riy — ni yafos ndariy n’umngin nap’an.