Psalms 13 - Bible Ni Thothup

Ba meybil ko ayuw

¹ SOMOL, uw n’umngin nap’an ni ngam pagtalig? Manemus? Uw n’umngin nap’an ni ngam mitheg owchem rog?

² Uw n’umngin nap’an nthingar gu lubeg e gafgow? Uw n’umngin nap’an ni nge suguy e kireban’ lanin’ug ni rran nge nep’? Uw n’umngin nap’an ni nge gel e to’ogor rog ngog?

³ SOMOL ni Got rog, mu changar ngog ma ga fulweg lungug. Mu sulweg gelngig; dab mu pageg nggum’.

⁴ Dab mu pag e to’ogor rog nge lungurad, “Kug gelgad ngak.” Dab mu pagrad ngar giriggad ngog ni kug waer.

⁵ Kug toer ko t’ufeg rom ni dabimus; Bay gu felan’, ni bochan e ga ra chuwegeg u pa’rad.

⁶ SOMOL, bay gu tang nigem, ni bochan e ku’um gol ngog.