Psalms 129 - Bible Ni Thothup

Ba meybil nib togopluw ngak e to’ogor rok yu Israel

¹ Israel, mog ngomad rogon nike gafgow nigem e pi to’ogor rom ni ka nap’an e kagab bitir.

² “Ka nap’an e kugub bitir, mri gafgow nigeg e pi to’ogor rog, machane dawor ra gelgad ngog.

³ Kar maad’adgad nga keru’ug ke bod bangi flang ni kan gi’ e but’ riy.

⁴ Machane, SOMOL, ni ir e cha’ nib mat’aw, e ke pithigeg ni dab kug mang sib.”

⁵ Mang e yigi urngin e pi’in yad be fananikay yu Zion e ra waergad min tulufrad.

⁶ Mang e yad gubin nra boded e pan ni be tugul u daken e naun, nma mororoy u m’on ni nge ilal;

⁷ dariy be’ nma kunuy ara yuthumnag nge fek.

⁸ Dariy be’ nra yan u to’oben me ga’ar, “Mang e yigi fal’eg SOMOL wa’atham! Gamad be fal’eg wa’atham u fithingan SOMOL.”