Psalms 128 - Bible Ni Thothup

Puluwon niyi ma fol rok SOMOL

¹ Ba felan’ e pi’in yad ma fol rok SOMOL, ni yad ma par nrogon nike yog.

² Maruwel rom e ra yagnag e tin bt’uf rom; bay mu felfelan’ me fel’ rogom.

³ Le’engim e bayi bod ba ke grape nike suguy e mak’uf l’ugun u lane tabnaw rom ma pifakam e bay ra boded e gek’iy ni olive nike liyeg e tebel rom.

⁴ Be’ nib mo’on nma folwok rok SOMOL e rib muduwgil nra fel’ wa’athan ni aray rogon.

⁵ Mang e yigi fal’eg SOMOL wa’atham u Zion! Mang e yugum guy ni be man’og yu Jerusalem ni gubin e rran u lane yafos rom!

⁶ Mang e yugum par ngam guy pifak pifakam! Nge par e gapas u daken yu Israel!