Psalms 127 - Bible Ni Thothup

Got nni pining e sorok ngak nga feni gol

¹ Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

² Dariy fan ni ngan toer ko maruwel nib gel ni yibe tay, ni ngan od nri kakadbul min mol nike n’uw e nep’, ya SOMOL e ir e ma pi’ ngak e pi’in yad ba t’uf rok e tin ke t’uf rorad, u nap’an ni ku yad be mol.

³ Bitir e ba tow’ath nma pi’ SOMOL; yad e bin riyul’ e tow’ath.

⁴ Pi bitir ni pumo’on ni fak be’ ni kab pagel e bod bogi gan e gat’ing ni bay u pa’ ba salthaw.

⁵ Ba felfelan’ e re mo’on ni bay e mit i gan e gat’ing nem rok! Ya dabiyag ni nga ni gel ngak ko ngiyal’ ni yad ra lu’ag e pi to’ogor rok e thin u tagil’ e puf oloboch.