Psalms 125 - Bible Ni Thothup

Yoror ko girdi’ rok Got

¹ Pi’in ma pagan’rad ngak SOMOL e yad bod fare burey ni Zion, ndariy liyben me rur, ma dabi mithmith bi’id.

² Bod e pi burey nib liyeg yu Jerusalem, e aram rogon SOMOL nike longbiy e girdi’ rok, e chiney i yane ngaram ndariy n’umngin nap’an.

³ Pi’in kireb e dabiyag ni nge mang yad e ur gagiyeg naged e binaw rok e pi’in nib mat’aw ni gubin ngiyal’; ya mang e rin’ed, ma pi’in mat’aw e dabisiy ni yad ra rin’ e ngongol nib kireb.

⁴ SOMOL, mu gol ngak e pi’in yad bfel’, ni pi’in yad be fol ko tin kamog ni ngan rin’.

⁵ Machane nap’an ni ga ra gechignag e pi’in kireb, mu kum gechignag boch e pi’in ka ra paged e pi kanawo’ rom. Nge par e gapas u lan yu Israel!