Psalms 120 - Bible Ni Thothup

Ba meybil ni fan ko Ayuw

¹ Nap’an ni u gu moy u fithik’ e oloboch, mu gu pining SOMOL, me fuluweg lungug.

² SOMOL, mu chuwegeg u pa’, e pi sasalap l’ugun nge pi ta ban.

³ Gimed e pi taban, mang e bayi rin’ Got ngomed? Urogon ni nge gechig nagmed?

⁴ Nga gan e gat’ing ko salthaw nib m’uth, ni bay e nifiy u taban!

⁵ Par ni gu be tay u fithik’med e bod feni kireb e par u Meshek ara fithik’ e girdi’ nu Kedar.

⁶ Kay gi n’uw nap’an ni ku gu par rok e girdi’ ndaburad e gapas!

⁷ Nap’an ni gu ra weliy murung’agen e gapas, ma mael e yad ba’adag.