Psalms 12 - Bible Ni Thothup

Ba meybil ko ayuw

¹ SOMOL, mu ayuwegmad! Dariy be’ ni bfel’ nike magay; girdi’ nib yul’yul’ e dab kun piri’egrad’.

² Yad gubin ni yad be ban nigedyad; yad be pi’rad ngalang ko thin.

³ SOMOL, mu taleg e pi balwoth nem ni sasalap! Mu ning e pi langef ni ufanthin nem nma ga’ar,

⁴ “Thin romad e ma yagnag ngomad e n’en ni gamad ba’adag. Bay gogned e n’en ni gamad be finey, ma dariy be’ nrayag ni talegmad.”

⁵ Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

⁶ Tin ma micheg SOMOL e rayag ni nge pagan’uy ngay; bod feni fel’ e silber, ni kan urfiy ke be’ech u mit e nifiy ni medlip yay.

^7-8 Pi’in kireb e leam rorad e yad bay u gubin yang, ma gubin e girdi’ nma uf ko n’en nib kireb. A SOMOL, mu ayuwegmad, u pa’ e miti girdi’ nem.