Psalms 11 - Bible Ni Thothup

Pagan’ ngak SOMOL

¹ Be pagan’ug ko ayuw rok SOMOL. Rigab balyang ni ga be yog ngog ni ga be ga’ar, “Mu changeg ngam man ni bod ba arche’ nga daken e pi burey,

² ya pi’in kireb e kar tiled e gat’ing rorad ma kar pulweged gan e gat’ing rorad u milmor ni ngar yip’ed e pi’in bfel’.

³ Be’ ni bfel’ e dariy ban’en nrayag ni rin’ ni fa’anra ke wagay gubin ban’en.”

⁴ SOMOL e bay u lan e tempel rok nib thothup; ma tagil’ e bay u tharmiy. Be yaliy e girdi’ u gubin yang ma manang e n’en ni yad be rin’.

⁵ Ma fal’eg i yaliy e fel’ nge kireb ni ta’reb rogon; ma pi’in der fol ko motochiyel e ma fananikayrad u polo i gumircha’en.

⁶ Ma pu’og e achaffin ni be daramram nga but’ nge sulfur ni be yik’ nga daken e pi’in kireb; me gechig nagrad ko nifeng nib gawel.

⁷ SOMOL e bmat’aw, ma ba’adag e wok ni bfel’; pi’in yad ra rin’ e wok ni bfel’ e yad ra par u p’eowchen.