Psalms 1 - Bible Ni Thothup

KAEN TA’REB E BABYOR ( Psalms 1—41 ) Bin riyul’ e felfelan’

¹ Ba felan’ e cha’ nma siyeg ni nge fol ko fonow rok e girdi’ nib kireb, ma der folwok ko pi’in ni tadenen, ara un ngak e pi’in dariy fan Got u wan’rad.

² Ma ra be’eg e motochiyel rok SOMOL mma yib e felfelan’ riy ngak, ma ku aram rogon nra be’eg ni rran nge nep’ ni bochan e nge nangfan.

³ I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

⁴ Ma girdi’ nib kireb e gathi ara’rogorad! Yad bod kenggin e grain ni kan th’ab ke mlik’, nra aw e nifeng ngay me changegnag.

⁵ Girdi’ nib kireb e bayi gechig nagrad Got; pi tadenen nem e dab ni unegrad nga fithik’ e pi’in yad mmat’aw.

⁶ I SOMOL e ra pow’iy me yororiy e pi’in yad ba mat’aw, machane en nib kireb e be yan u ba kanawo’ ni sor ngabang nib gel e gafgow riy.