Matayo 1 - Anjili Ja Mattayo 1880

¹ Chitabu cha kuweleka kwao Isa Masiya, mwanache wa Daud, mwanache wa Ibrahimu.

² Ibrahimu aweleche Isaak, Isaak aweleche Yakob, Yakob aweleche Yuda na achapwao,

³ Yuda aweleche Fares na Zara kwa Thamar, Fares aweleche Esrom, Esrom aweleche Aram,

⁴ Aram aweleche Aminadab, Aminadab aweleche Nahashon, Nahashon aweleche Salmon,

⁵ Salmon aweleche Boaz kwa Rahab, Boaz aweleche Obed kwa Ruth, Obed aweleche Yese,

⁶ Yese aweleche achimwene Daud. Achimwene Daud aweleche Suleman, kwao welewo waliji asonogwao Uriya,

⁷ Suleman aweleche Rehabyam, Rehabyam aweleche Abiya, Abiya aweleche Asa,

⁸ Asa aweleche Yehushafat, Yehushafat aweleche Yoram, Yoram aweleche Uziya,

⁹ Uziya aweleche Yotham, Yotham aweleche Ahaz, Ahaz aweleche Hezekiya,

¹⁰ Hezekiya aweleche Manasse, Manasse aweleche Amon, Amon aweleche Yosiya,

¹¹ Yosiya aweleche Yekoniya na achapwao makati ga wasamesye Babel.

¹² Ni ka nyuma ka kwasamisya Babel, Yekoniya aweleche Shaltiel, Shaltiel aweleche Zerubabel,

¹³ Zerubabel aweleche Abihud, Abihud aweleche Eliyakim, Eliyakim aweleche Azor,

¹⁴ Azor aweleche Sadok, Sadok aweleche Akhim, Akhim aweleche Eliyud,

¹⁵ Eliyud aweleche Eleazar, Eleazar aweleche Mattan, Mattan aweleche Yakob,

¹⁶ Yakob aweleche Yusuf, waliji walume wao Maryamu, waweleche ISA, wakwawilanga Masiya.

¹⁷ Nombe nayo kuweleka kose kutanda Ibrahimu mpika Daud, kuweleka likumi kwisa mcheche, nombe nayo kutanda Daud mpika kwasamisya Babel, kuweleka likumi kwisa mcheche, nombe nayo kwasamisya Babel mpika Masiya kuweleka likumi kwisa mcheche.

¹⁸ Ni kuweleka kwao Isa Masiya kaliji elee. Piwalanganaga mama wao Maryamu ni Yusuf, nganawe kuandikana pampepe, waoneche wana chitumbo kwa Roho Mtakatifu.

¹⁹ Nombe nao Yusuf asono wao, mundu jua kulingana, jua ngasaka kwatesya mchesela, waliji akusaka kwaleka kwa mtemela.

²⁰ Pe waliji wali mkuganisya yeila, masoka ga Ambuje watiosile kwa kusagamila, watagulile, Yusuf mwanache wa Daud, mkajogopa kwatola asono gwenu Maryamu pa kuwa tichawelechecho ni chelecho cha Roho Mtakatifu.

²¹ Nombe nao taweleke mwanache walume na tiwawilanje lina liao Isa kwa ligongo ni welewo petawe kuwalamya wandu wao pa thambi siao.

²² Aii yosepe wapanganisye ilingane liwasasile na Ambuje kwa nabii, achisalaga,

²³ mlolechesye, mwali tajigale chitumbo, nombe nao taweleke mwanache, ni tiwawilanga lina liao Emmanuel, liwawangene, Mulungu noweji.

²⁴ Pe wajimwiche Yusuf mlugono, watesile pe wawalajisye masoka ga Ambuje, watosile asono wao:

²⁵ ninganewamanyilila mpika waweleche mwanagwao wa ndanda, wawilasile lina liao Isa.