परकास 6 - याम्फुथुमाडे़ॽ मोहोर हेम्बॽआ 1 मोबा ए़क्साङ थुमाडे़ॽ माहा एच्चि गोटा मोहोरबेॽ इक्कोमा मोहोर हेम्बॽआ खाङ्डोक्टुङ, मोडोक्पेॽ रिउम हिङ्रिक जिवातजिबाङ इक्कोसे़ॽ नान्द्रुङ्माडोॽ मुक्मानुङ “आबे!” लुबॽआ के़ॽ खेप्सुङ। 2 मोबा के़ए़ पोम्बेॽ इक्को उथ्रिॽमा घोडा खाङ्डोक्टुङ, मोसोक्पेॽ पेङ्घुबामि हुकपेॽ इक्को सिगि टुसा, मोबा खो इक्को मुकुट पिसुजि, मोबा खो चोपजि हेजासाङ पोम्बेॽ खडा। 3 मोबा ए़क्साङ थुमाडे़ॽ निच्चिमा मोहोर हेनु हाइको हिङ्रिक जिवातडे़ॽ “आबे” लुबॽआ के़ॽ खेप्सुङ। 4 हाइको इक्को उज्यालोमा हररामा घोडा पे़आबा। याॽमिजि इक्कोसे़ॽ हाइको सेॽनेघुसे़ॽ चुमिरो लुनुङ मक्खाम्डेमबेॽहा सान्ति ङाप्मे अधिकारनुङ इक्को बेॽएम्मा फेया मो घोडासोक्पेॽ पेङ्घुबा पिबॽआ ले़टे़। 5 मोबा ए़क्साङ थुमाडे़ॽ सुम्जिमा मोहोर हेनु, मोबा सुम्जिमा हिङ्रिक जिवातडे़ॽ “आबे” लुबॽआ खेप्सुङ। के़ॽ इक्को मक्खुइक्मा घोडा खाङ्डोक्टुङ, मो घोडाबेॽ पेङ्घुबामि हुकपेॽ ठाःक्ठाम तुलो टुसा। 6 माहा रिउममा हिङ्रिक जिवातमि रुम्बेॽ इक्को सेम्लाडे़ॽ इडोॽ लुबॽआडोॽ के़ॽ खेप्सुङ, “इक याकमि नमयाक इक्को किलो गहु अथबा इक याकमि नमयाक सुम्जि किलो सिचाम नुये, तर जैतुनमि केवानुङ अङ्गुरमि मद्य नासि ए़ले़टानुमे।” 7 मोबा थुमाडे़ॽ रिउममा मोहोर हेनु, रिउममा हिङ्रिक जिवातडे़ॽ “आबे” लुबॽआ के़ॽ खेप्सुङ। 8 के़ॽ हरदिजिक्पा घोडा खाङ्डोक्टुङ, मो घोडाबेॽ साङ्घुबामि निङ चाहिँ “सिमवा” ले़टा, मोबा पातालडे़ॽ चाहिँ मो ए़ङ्गुवा ए़ङ्गुवा टिङ्मे़ॽनिङ्सिडु। मोबा मक्खाम्डेमबेॽहा रिउम भागामि इक्को भागा याॽमिजि चाहिँ ङे, सक्आङ्सा, राम्आनुङ नाम्फुङ्लाबेॽहा जिवातजिबाङ सेॽनेमे अधिकार माहाजि पिबॽआ ले़टा। 9 मोबा ए़क्साङ थुमाडे़ॽ ङाउममा मोहोर हेनु, मोबा वेदिमि रडाङ्बेॽ चाहिँ निवाहाङ्मि बचनबेॽ बिस्वास ले़ःॽपॽआसे़ॽनुङ येसुमि टुम्बेॽ परचार ले़ःॽपॽआसे़ॽ याॽमिजिडे़ॽ सेॽनेबॽआ याॽमिजिमि होङ्निवा के़ॽ खाङ्डोक्टुङ। 10 माहाजि बेॽए सेम्लाडे़ॽ इडोॽ कासामि, “पबित्रानुङ चाइबमा चोप्पाङ सक्तिदाङ्बा परमपरभु, हे़ने़ॽ मक्खाम्डेमबेॽहा कानिङ सेॽनेघुबा याॽमिजिमि न्यायमि दन्डा इन्डोक्पेॽ पिन्डुजे ?” 11 निवाहाङ्डे़ॽ माहाजि चोप इक्को इक्को उथ्रिॽमा चेॽ पिनुङ लुसुजि हे़निङ नाजाडिक्सानिङे। इन्ढोङ्होङ हागोसो हे़निङ्नुङ सोरि योम्बोक ले़ःॽखुबा लङ्गामजिनुङ परभुमि सेवा ले़ःॽखुबाजि हे़निङ्डोक्नोॽ खोजिडे़ॽ सेॽनेन्डुजे। मो सङ्ख्या पुरा लिनुङ्रेॽनोॽ माहा दुस्टाजि के़ॽ दन्डा पिनुङ्हाजि। 12 मोबा थुमाडे़ॽ चुक्चिमा मोहोर हेम्बॽआ के़ॽ खाङ्डोक्टुङ, मोडोक्पेॽ इक्को किस्सिमारोमा रुॽमि खडा। नम मक्खुइक्मा चेॽडोक्मा लिसा, मोबा ला चाहिँ हरिडोक्मा हररामा लिसा। 13 मोबा बेॽए हिॽवाबे़ॽ वेॽलाभुमि डाङ हिॽमाबेॽ मे़न्टुम्बॽआ चा हेॽपॽआडोॽ नान्द्रुङ्माबेॽहा साङ्गेजि मक्खाम्डेमबेॽ हेडामि। 14 मोबा पत्रा यिप्खे़ॽटिडोॽ नान्द्रुङ्मा मे़खडा, चोप नङ्लाखा सुम्लाखानुङ योङाडे़ॽ यिजुम्बॽआ ठाउँ माहा टुबॽआ ठाउँबाङ मे़खडामि। 15 मोबा ए़क्साङ मक्खाम्डेमबेॽहा हाङ्बाजि, सासकजि, तिरिङ्गामि एप्पाजि, याङ्सरावादाङ्बाजि, सक्तिदाङ्बाजि, सेउतेजिनुङ फुक्का लिबॽआ याॽमिजि रुम्मुकराजि, योगोक्पाराजि खे़ॽनुङ कुप्सामि। 16 माहाजिडे़ॽ सुम्लाखानुङ रुङ्गोॽवा लुसुजि, “कानिङ सोक्पेॽ हेडानिङे, मोबा हाङ्पेन्ढामबेॽ पेङ्घुबानुङ थुमामि सुरिकबाङ कानिङ चुम्माजे। 17 इन्ढोङ्होङ खोजिडे़ॽ न्यायनुङ दन्डा पिमे याक लेम्बेटे़, इगो याक असे़ॽसो आङ्हेसुजिने।” |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.