Biblia Todo Logo
Bìoball air-loidhne

- Sanasan -

परकास 15 - याम्फु


एच्‍चि थाङ्‌सिरिदुतजिनुङ एच्‍चि बिपत्‍ति

1 के़ॽ थाङ्‌सिरिबेॽ बेॽएम्‍मानुङ खरिमा हाइको इक्‍को चिङ्‌गा खाङ्‌डोक्‍टुङ, एच्‍चि थाङ्‌सिरिदुतजिडे़ॽ एच्‍चि गोटा बिपत्‍ति याङ्‌बॽआ ले़टा। माहा बिपत्‍ति चाहिँ निवाहाङ्‌मि ए़क्‍साङ्‌मा सुरिकमि बिपत्‍ति ले़टा।

2 मोबा ए़क्‍साङ के़ॽ मिनुङ मिच्‍रे़ङ ठुबॽआडोॽमा माहोङ्‌मा खाङ्‌डोक्‍टुङ, मोबेॽ मो जिवात, मोमि मुरतिनुङ मोमि निङ्‌मि सङ्‌ख्‍या हेजाखुबाजिनुङ टाङ्‌बामि हुकपेॽ बिना याङ्‌मानुङ मो मिच्‍रे़ङ्‌मि माहोङ्‌मा के़क्‍पेॽ येःप्‍किगामि, माहा बिना निवाहाङ्‌डे़ॽ खोजि पिबॽआ ले़टा।

3 माहाजिडे़ॽ इडोॽ लुसाङ निवाहाङ्‌मि सेउते मोसामिनुङ थुमामि सेम सेम्‍लुमे़ॽनिङ्‌सिडुजि, “हे परमपरभु निवाहाङ चोप्‍पाङ बेॽए सक्‍तिदाङ्‌बा, हे़ने़हा योम्‍बोक सारोनोॽ महाननुङ खरिहा ले़हा, चोप जातिहा याॽमिजिमि हाङ्‌बा, हे़ने़हा मराम धरमिनुङ चाइबमा ले़हा।

4 हे परमपरभु, हे़न्‍नुङ चोप किस्‍सिम्‍मे। हे़ने़हा महान खामि ओहाङ चोबे़ॽ ले़न्‍डुजे। इन्‍ढोङ्‌होङ हे़नरेॽनोॽ पबित्‍रा ले़ये। चोप जातिहा याॽमिजि हे़ने़ए़ पोम्‍बेॽ लेन्‍नुङ आदर ले़म्‍मे, इन्‍ढोङ्‌होङ हे़ने़हा धरमि योम्‍बोक चोबे़ॽ खाङ्‌इटुजे।”

5 इगो सेम सेम्‍लुसेॽनुङ ए़क्‍साङ के़ॽ थाङ्‌सिरिबेॽ टुबॽआ मन्‍दिर हेम्‍बोक्‍पॽआनुङ मो होङ्‌सिॽयुए पबित्‍रा ठाउँसो खाङ्‌डोक्‍टुङ।

6 मो मन्‍दिरबाङ एच्‍चि थाङ्‌सिरिदुतजि इक्‍को इक्‍को बिपत्‍ति हुकपेॽ याङ्‌मानुङ पाखे़ॽयु आबामि। माहाजि उथ्‍रिहानुङ उज्‍यालो पोॽइहा चेॽ चाङ्‌बॽआनुङ सुनामि फित्‍ता हाङ्‌डाङ्‌बेॽ हिःक्‍पॽआ ले़टामि।

7 मोबा माहा रिबाङ हिङ्‌रिक जिवातजिबेॽ इक्‍कोसे़ॽ चाहिँ सुनामि एच्‍चि गोटा खोरिया एच्‍चि जना थाङ्‌सिरिदुतजि पिसुजि। माहा खोरिया इॽठुप सानिङ्‌मु हिङ्‌रिक टुघुबा निवाहाङ्‌मि सुरिक टुसा।

8 मोबा निवाहाङ्‌मि महिमानुङ खोमि सक्‍तिमि मे़क्‍खु मन्‍दिर इॽठुप लिसा। माहा एच्‍चि जना थाङ्‌सिरिदुतजिडे़ॽ हुकपेॽ याङ्‌बॽआ एच्‍चि बिपत्‍ति मे़रुक्‍खे़ॽलो असासो मन्‍दिर होङ्‌सिॽयु मे़ङ्‌खे़ॽहेसामि।

© 2023, Wycliffe Bible Translators, Inc. and Nepal Bible Society

Wycliffe Bible Translators, Inc.
Lean sinn:



Sanasan