हिब्रु 6 - याम्फु1 मोडोगे़ॽ खिरिस्टमि टुम्बेॽहा याक्लोमा सिक्छेरेॽ ने़ॽनि कानिङ परिपक्का टोङ्घुबा खाबेॽ निवा टिमा, सिमवालाम लाघे़ॽखुबा योम्बोकबाङ निवा टेमा, 2 बेॽलो खालहा बप्तिस्मामि टुम्बेॽहा खा, याॽमिजिसोक्पेॽ हुक युङ्नुङ पारथना ले़ःॽमे खा, सिबॽआबाङ हिङ्बोक्मे खानुङ इन्डोक्पेॽसो रुक्खे़निये दन्डामि टुम्बेॽहा खागो याक्लो निवाहाङ्बेॽ बिस्वास ले़ःॽमाबेॽनोॽ हे़निङे़ॽ चिम्बेटानुमे। मोडोगे़ॽ मोडोक्हा खा हागोसो चिम्मा पाप्निबा। 3 निवाहाङ्डे़ॽ मिॽटुहोङ कानिङे़ॽ छना परिपक्का खाबेॽ निवा टिन्डुङ्मे। 4 इक्खेॽ येसुमि उज्यालो जोति चुप्नुङ थाङ्सिरिमि बरदान लेबेटुजे, मोबा पबित्रा होङ्निवामि सक्तिबेॽ राम्इटामे, 5 निवाहाङ्मि सिक्छेमि चनुहा खा सेप्खुबाजि, लेङ्इये युगमि लागि निवाहाङ्मि सक्तिसालि योम्बोक खाङ्खुबाजिडे़ॽ, 6 इडोक्हा खा लेनुङ्सो बिस्वास ले़ःॽमा लेडुजिहोङ माहाजि निवाहाङ्बेॽ ए़ङ्आप्हेमिने। इन्ढोङ्होङ इडोक्हा याॽमिजिडे़ॽ खोजि टाङ्बामिनोॽ लागि निवाहाङ्मि पसा फेरिसो काप्सिङ्बेॽ किङ्नेन्डुजे, मोबा याॽमिजिमि पोम्बेॽ खोमि बेजेत ले़न्डुजे। 7 योङाडे़ॽ आक्खामा वडाप्मिन्डुए, खेति ले़ःॽखुबा याॽमिमि लागि अन्न पिन्डुए, मो आक्खामा निवाहाङ्डे़ॽ आसिस पिन्डुए। 8 तर चिजिङ्नुङ सिउडिरेॽ मो आक्खामाबेॽ वाबुक्होङ मो योम्बोक मे़ॽनिङ्मा लिये। इडोक्मा आक्खामाबेॽ निवाहाङ्मि चापहिमा सिॽइये, मोबा ए़क्साङ मो हिक्खे़ये। 9 लङ्गामजि, कानिङे़ॽ इडोक्हा खा लुसुङ्माहोङ्सो हे़निङ्मि टुम्बेॽ चाहिँ नुबा खामि आसा युङ्इटुङ्मे़। चइबानोॽ हे़निङे़ॽ मुक्ति चुप्मिन्डानुमेनुङ बेॽलो नुबा खा चुप्मिन्डानुमे लुनुङ बिस्वास ले़न्डुङ्मे। 10 निवाहाङ्डे़ॽ अन्याय ले़टुनिबा, हे़निङ्मि योम्बोकनुङ निवाहाङ्मि याॽमिजि हे़निङे़ॽ ले़ःॽपॽआ नम्नम खोसे़ॽ मिन्डेडुनिबा। हे़निङ हागोसो मोडोक्नोॽ सेवा ले़ःॽमे़ॽसिन्डानिङे। 11 हे़निङ चोपजिमि इगो बिस्वास ए़क्साङ्ठोक टुडुङ्घे़ॽरो, मोबा हे़निङ्मि आसा पुरा लिये लुनुङ मिॽइटुङ्मे़। 12 हे़निङ पाङ्सुघुबाजि ए़लिसानिङे, तर निवाहाङ्डे़ॽ हेन्ज्रुङ हेम्बॽआ खाबेॽ बिस्वासनुङ हुङ्डुङ्घे़ॽखुबाजिडोॽ हे़निङ्सो लिसानिङे लुनुङ कानिङे़ॽ मिॽइन्डुङ्मे़। निवाहाङ्मि हेन्ज्रुङ पुरा लिये 13 निवाहाङ्डे़ॽ अब्राहामनुङ हेन्ज्रुङ ले़ःॽमाबेॽ खोबाङ बेॽए असासो माडामि, मोडोगे़ॽ निवाहाङ्डे़ॽ टाङ्बामि निङ्बेॽ इडोॽ हेन्ज्रुङ हे़नु, 14 “के़ॽ चइबानोॽ हे़न आसिस पिन्ने़, हे़ने़हा पसाजि बेॽलो बेॽलो टोङ्बेन्ने़।” 15 अब्राहामडे़ॽ आङ्नुङ हुक्सु, मोबा निवाहाङ्डे़ॽ हेन्ज्रुङ हे़म्बॽआ आसिस चुप्टु। 16 हेन्ज्रुङ हे़म्माबेॽ खा पक्का लिरो लुनुङ याॽमिजिडे़ॽ टाङ्बाबाङ बेॽहाजिमि निङ्बेॽ हेन्ज्रुङ हे़न्इन्डुजे, मोबा माहाजिमि खा टोङ्इहा। 17 निवाहाङ्मि हेन्ज्रुङ चुप्खुबाजि टाङ्बे़ॽ ले़ःॽपॽआ हेन्ज्रुङ चइबानोॽ पुरा लिये लुनुङ खाङ्मुमामि लागि निवाहाङ्डे़ॽ टाङ्बामि निङ्बेॽ इडोॽ हेन्ज्रुङ हे़नु। 18 हागो निच्चि खा टुहा, माहा फेङ्घे़ॽनिहा खामि टुम्बेॽ निवाहाङ मे़ॽनोॽमा लिनिबा। मोडोगे़ॽ खोबेॽ बिस्वास ले़ःॽखुबाजिडे़ॽ कानिङ्मि पोम्बेॽ युङ्बॽआ आसा ले़टुङ्घे़ॽमे़ हौसला चुप्मिटुङ्मे। 19 इगो आसाडे़ॽ ले़ःॽमे़ॽ कानिङ्मि हिङ्मवा किॽयु मिॽयु सोङ्निबा। इगो चाइबमानुङ पक्का ले़ये, इगो आसाडे़ॽ मन्दिरमि परदा होङ्सिॽयु महा पबित्रा ठाउँठोक लाघे़ये। 20 कानिङ्मि लागि येसु कानिङ्बाङ पोम्बेॽ खे़ॽनुङ मो ठाउँबेॽ पेङ्इटे़। मल्किसेदेक याडाङ्बाडोक्नोॽ खो सानिङ्मि लागि चोप्पाङ एप्पा याडाङ्बा लिबेटे़। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.