हिब्रु 5 - याम्फु1 याॽमिजिडे़ॽनोॽ चोप्पाङ एप्पा याडाङ्बा सेङ्इन्डुजे, खोजि याॽमिजिमि पापमि लागि निवाहाङ्बेॽ भेटि बलिदान चेॽटिमे योम्बोकमि जिम्मा पिन्डुजे। 2 खोसे़ॽ इमाङ्सो मे़लेघुबानुङ मङे़ॽमा रामबेॽ राम्खुबा याॽमिजिमि पोम्बेॽ ए़डे़म्मा लिनुङ योम्बोक ले़ःॽहेन्डुए, इन्ढोङ्होङ खोम्दाङ्बासो मोडोक्नोॽ कमजोर याॽमि ले़ये। 3 मोडोगे़ॽ याॽमिजिमि पापमि लागिरेॽनोॽ ने़ॽनि, तर टाङ्बामि पापबाङ चोखो लिमामि लागिसो बलिदान चेॽटिमा खे़ये। 4 असासो खोमदाङ्बे़ॽ मिॽनुङ चोप्पाङ एप्पा याडाङ्बा लिहेनिबा, तर निवाहाङ्डे़ॽनोॽ खो हारुन याडाङ्बा से़न्डिडोक्नोॽ महान याडाङ्बामि योम्बोकमि लागि से़म्मा खे़ये। 5 इडोक्नोॽ खिरिस्टडे़ॽसो खोमदाङ्बा चोप्पाङ एप्पा याडाङ्बा लिमा मे़योगु। तर निवाहाङ्डे़ॽ खो इडोॽ लुसु, “हे़न काङ्मि पसा ले़ये, आयु का हे़ने़ए़ पाबा लिटिङे।” 6 मोबा हाइको ठाउँबेॽसो निवाहाङ्डे़ॽ लुटुए, “हे़न मल्किसेदेकडोॽ सानिङ्मि लागिनोॽ याडाङ्बा लिटे़।” 7 येसु टाङ्बामि खेःबेॽ टुमाबेॽ, खो सिमवाबाङ हिङ्मेॽहेघुबानुङ बेॽलो हाःप्साङ बिन्तिनुङ पारथना ले़टु। मोबा खोसे़ॽ भक्तिनुङ बिन्ति ले़ःॽपॽआसे़ॽ निवाहाङ्डे़ॽ खोमि पारथना खेप्सु। 8 खो निवाहाङ्मि पसा ले़टारोसो दुःखनुङ खेः आङ्मानुङ आग्या पालना ले़ःॽमा चिनु। 9 मोबा खो पुरा पक्का लिनुङ खोबेॽ भरोसा ले़ःॽखुबाजि चोपमि लागि खो ए़स्सिमे मुक्तिमि मुल लिसा। 10 मोबा निवाहाङ्डे़ॽनोॽ खो मल्किसेदेकडोॽमा चोप्पाङ एप्पा याडाङ्बा टोक्सु। बिस्वासबेॽ बोलियो लिमे 11 इगो खामि टुम्बेॽ लुमागो बेॽलोनोॽ टुहा। तर इगो खा हे़निङ लेमेॽमा छॽइये, इन्ढोङ्होङ हे़निङ्मि खेम्मे सक्तिनोॽ इम्डिघे़टे़। 12 आयुरोगो हे़निङ हाइखा याॽमिजि इःॽखुबाजि लिसेॽमा खडानिङे, तर आयुरोसो हे़निङ निवाहाङ्मि सिक्छे पिच्छाजि इःॽपॽआडोॽ इःॽमा खे़न्डानिङ। हागोसो हे़निङ चामा ने़ॽनि डुडु उङ्घुबा ओङे़कडोॽ ले़न्डानिङे। 13 मामामि डुडुरेॽ उङ्घुबागो हागोसो ओङे़कडोक्नोॽ ले़ये, मोसे़ॽ नुबानुङ मङे़ॽमा खा लेहेसुनिबा। 14 खदिलो चामागो परिपक्का याॽमिडे़ॽरेॽनोॽ चोन्डुहा। मो याॽमिमि निवा पक्का लिबेबॽआसे़ॽ नुबानुङ मङे़हा खा इमाङ्डे लुनुङ लेहेन्डुहा। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.