गलाति 5 - याम्फुखिरिस्टडे़ॽ कानिङ पिबॽआ छुट्कारा 1 खिरिस्टडे़ॽ कानिङ छुट्कारा पिबॽआ ले़ये। मोडोगे़ॽ हे़निङ फुक्का याॽमि लिटानिङे, इडोगे़ॽ हे़निङ बोलियो लिनुङ पेनानिङे मोबा हागोसो यहुदि धारमिक नियममि अधिनबेॽ पेम्मा ए़योगानिङे। 2 खेप्सानुमे, का पावलडे़ॽनोॽ हे़निङ लुनिम्ने, हे़निङ हागोसो खतना ले़ःॽमा खे़ये कान्डानिङ्होङ्गो खिरिस्टडे़ॽ हे़निङ छुट्कारा ले़ःॽपॽआ योम्बोक के़न्डिॽखडा। 3 खतना लिघुबाजि के़ॽ लुनुङ्हाजि, खोजिडे़ॽ यहुदि धारमिक नियमडे़ॽ लुबॽआ चोपनोॽ पालना ले़ःॽमा खे़ये। 4 हे़निङ यहुदि धारमिक नियम पालना ले़ःॽनुङ निवाहाङ्मि पोम्बेॽ धरमि लिमा योक्खुबाजि खिरिस्टबाङ हाःघे़ॽपेटानिङे। मोबा निवाहाङ्मि अनुग्रहाबाङ ओः लिटानिङे। 5 कानिङ बिस्वासबाङ निवाहाङ्मि पोम्बेॽ धरमि ठहरबा लिमे आसा हुङ्डुङ्घे़ॽमामि लागि होङ्निवाडे़ॽ सहायता ले़ये। 6 खिरिस्ट येसुमि पोम्बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्कोनोॽ लिन्जे। तर पाप्मिये खा चाहिँ नम्नमनुङ योम्बोक ले़ःॽखुबा बिस्वास ले़ये। 7 हे़निङ्गो नुरोक्नोॽ पिम्मे़ॽसिसानिङ। तर असे़ॽ हे़निङ चाइबमा खा पालना ले़ःॽमाबाङ से़गामे ? 8 इडोक्हा रेम्सिङ योम्बोकको हे़निङ के़ःक्खुबा निवाहाङ्डे़ॽको ले़टुनि। 9 ए़डे़ॽवा खमिरडे़ॽ बेॽलो खाॽमि होम्बोॽइन्डुहा। 10 कानिङ चोप परभुबेॽ भरोसा युङ्घुबाजि लिबॽआसे़ॽ मे़ॽनोक्हा खाबेॽ निवा टिसानुम्नि लुनुङ आसा ले़ए़टुङे। हे़निङ फाङ्सेॽनुङ मे़ॽनोक्हा खाबेॽ चिक्खे़ॽखुबाजि असाहोङ्सो निवाहाङ्डे़ॽ दन्डा पिन्डुए। 11 तर वावानिसानुङ नानुसाजि, के़ॽ हागोसो खतना ले़ःॽमा खे़ये लुनुङ परचार ले़नुङ्होङ्गो इन्ढोङ के़ॽ चुङ्जामा खेः आङ्मानोॽ सिॽइये ? इगो खाडे़ॽनोॽ छुट्कारा ले़टाहोङ्गो काप्सिङ्बेॽए बलिदानमि परचार ले़ःॽमा मे़सिॽटा। 12 हे़निङ मे़ॽनोक्हा खा इःॽखुबाजिडे़ॽको खतनारेॽनोॽ ने़ॽनि हे़निङे़ॽको टाङ्बामि अङ्गनोॽ चेम्बेमे़न्डि। 13 वावानिसानुङ नानुसाजि, हे़निङ्गो फुक्का लिसिॽ के़ःॽपॽआ याॽमिजि ले़न्डानिङे। तर इगो फुक्का चाहिँ हिङाडे़ॽ ले़ःॽमा मिॽपॽआ पापि खानुङ योम्बोक ले़ःॽमामि लागि पिबॽआ ने़ॽनिबा। इक्कोसे़ॽ हाइको नम्नम ले़ःॽनुङ भलाइमि योम्बोक ले़टानुमे। 14 इन्ढोङ्होङ मोसाडे़ॽ पिबॽआ यहुदि धारमिक नियमबेॽ मुल आग्या चाहिँ इगो ले़ये “हे़ने़ॽ टाङ्बामि पेन्लागाम टाङ्बा नम्नम ले़टिडोक्नोॽ नम्नम ले़ःॽमे।” 15 हे़निङ टाङ्बानोॽ नाम्भुङ्लाबेॽहा जिवातजिडोॽ हे़ःॽखुसे़ॽ चुन्डानिङ्होङ्गो होसियार ले़टानिङे, ने़ॽनिहोङ्गो हे़निङ टाङ्बा रुक्खे़न्डानिङ। पबित्रा होङ्निवानुङ याॽमिमि योम्बोक 16 मोडोगे़ॽ के़ॽ लुनिम्ने़, पबित्रा होङ्निवाडे़ॽ लुबॽआ रामबेॽ राप्सानिङे, टाङ्बामि हिङाडे़ॽ मिॽपॽआ खाबेॽ ए़राप्सानिङे। 17 इन्ढोङ्होङ हिङाडे़ॽ मिॽपॽआ खाडे़ॽ पबित्रा होङ्निवामि खामि बिरोध ले़न्डुए। मोबा पबित्रा होङ्निवाडे़ॽ मिॽपॽआ खाडे़ॽ हिङामि खामि बिरोध ले़न्डुए। इगोजि इक्कोनुङ हाइको सतुर ले़न्जेनुङ हे़निङे़ॽ ले़ःॽमा योक्पॽआ योम्बोक पुरा लिडोक्निबा। 18 तर हे़निङ पबित्रा होङ्निवामि अधिनबेॽ राम्इन्डानिङ्होङ्गो यहुदि धारमिक नियममि अधिनबेॽ मान्डानिङे। 19 हिङाडे़ॽ मिॽपॽआ खा चाहिँ इडोॽ छे़ङ्गै टुहा बेभिचार ले़ःॽमा, असुद्ध निवा खिमा, छाडा लिमा, 20 मुरति पुजा ले़ःॽमा, चटक ले़ःॽमा, सतुर लिमा, खिमाचुमा, चेजेवा के़ॽमा, सुरके़ॽमा, टाङ्बामि लागिरेॽ भलो खाङ्मा, खिमाराप्मा, मङे़हा खामि लागि मोत्त इमा, 21 चेजेवा के़ॽमा, सेॽखे़ॽमा, मङे़हा मोजमज्जा ले़ःॽमा मोबा इडोक्हा हाइखा योम्बोक ले़ःॽखुबाजि चाहिँ याॽमिजि निवाहाङ्मि राज्यमि हकदार लिडोक्मिने लुनुङ के़ॽ याक्लोसो लुबेनिम्ने़, मोबा आयुसो लुमे़ॽसिनिम्ने़। 22 पबित्रा होङ्निवामि चा लुबॽआ चाहिँ इघा ले़हा-नम्नम ले़ःॽमा, हाङ्हाङ लिमा, याॽमिजिनुङ टोङ्जामा, निवा अधिनबेॽ युङ्मा, नम्नावा ले़ःॽमा, भलाइमि योम्बोक ले़ःॽमा, भरोसानुङ्मा लिमा, 23 ए़डेम्मा लिमा, टाङ्बा अधिनबेॽ युङ्मा, इडोक्हा योम्बोकमि बिरोधबेॽ इमाङ्सो नियम माॽआ। 24 खिरिस्ट येसुमि याॽमिजिडे़ॽ पापनुङ्हा खानुङ टाङ्बामि हिङाडे़ॽ मिॽपॽआ मङे़हा खा चोप थोक काप्सिङ्बेॽ सेॽनेबेटुजे। 25 चइबानोॽ कानिङ पबित्रा होङ्निवाबाङ हिङ्इन्डिङ्माहोङ खोसे़ॽ लुबॽआडोक्नोॽ हिङ्मा खे़ये। 26 कानिङे़ॽ इक्कोसे़ॽ हाइकोनुङ काङायोङ्बा रे़ङ्मा फे़न्निबा, सुरके़ॽमेॽमा फे़न्निबा, चेजेवा के़ॽमा फे़न्निबा। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.