२ युहन्ना 1 - याम्फु1 मन्डलिबेॽए एल्डरबाङ से़न्बॽआ मेॽनामिॽनुङ खोमि पसाजि इगो पत्रा साप्मे़ॽसिङ्सिनुङे, के़ॽ हे़निङ चइबानोॽ नम्नम ले़ःॽनिम्ने़। के़ॽरेॽनोॽ ने़ॽनि चाइबमा खा लेघुबाजि चोबे़ॽनोॽ नम्नम ले़म्मे। 2 इन्ढोङ्होङ चाइबमा खा कानिङ्बेॽ टुये, मो कानिङ्बेॽ सानिङ टुडसङ्घे़ये। 3 निवाहाङ पाबानुङ खोमपसा येसु खिरिस्टबाङ अनुग्रहा, किरपानुङ सान्ति कानिङ्नुङ चाइबमा खानुङ नम्नमबेॽ टुरो। 4 हे़ने़हा पसाजिबेॽ इन्डोक जनाजि निवाहाङ पाबामि आग्याडे़ॽ लुडिडोॽ चाइबमा खाबेॽ हिङ्बॽआ चुप्नुङ का सारोनोॽ साप्थाङ्इटिङे। 5 होउ नानि, के़ॽ हे़न इगो चोङ आग्या साप्पॽआ ने़ॽनि, तर कानिङ्नुङ याक्लोएबाङ टुये आग्याडे़ॽ लुडिडोॽ कानिङे़ॽ इक्कोसे़ॽ हाइको नम्नम ले़ःॽमा खे़ये लुनुङ के़ॽ हे़निङ बिन्ति ले़निम्ने़। 6 निवाहाङ्मि आग्याडे़ॽ लुबॽआडोॽ हिङ्मानोॽ नम्नम ले़ये। हे़ने़ॽ याक्लोएबाङ खेम्बॽआ आग्या इगोनोॽ ले़ये, हे़निङ चोपजि नम्नमबेॽ पेनानिङे। 7 इन्ढोङ्होङ मे़ॽनोक्हा खा इःसाङ रेम्सिङ्जि मक्खाम्डेम इॽठुप लेम्बेटामे। माहाजिडे़ॽ येसु खिरिस्ट हिङाबेॽ लेम्बॽआ खाबेॽ बिस्वास ले़टुजिने। इडोक्हा याॽमिजिनोॽ रेम्सिङ्नुङ खिरिस्ट बिरोधि याॽमि ले़म्मे। 8 मोडोगे़ॽ होसियार लिनुङ पेनानिङे, हे़निङ हाम्बे खामि लागि इगो योम्बोक ले़ःॽमे़ॽसिन्डानिङे, मो खा मे़ःचोखुबा ने़ॽनि, तर पुरा चुप्खुबा लिसानिङे। 9 खिरिस्टमि सिक्छेबाङ हाइखा खाबेॽ निवा टिघुबा याॽमिबेॽ निवाहाङ पेन्निबा। तर खोमि सिक्छेबेॽ सानिङ निवा टिघुबानुङ निवाहाङ पाबानुङ पसा निप्पाङ्नोॽ पेङ्इन्जे। 10 मोडोगे़ॽ इडोक्हा सिक्छेबाङ टेडिगरिक सिक्छे पिनुङ रेम्घुबाजि असासो हे़निङ्मि खिमबेॽ लेम्माबेॽ स्वागत ए़ले़ःॽमे़, मोबा सेवासो ए़ॽमुमे़। 11 इन्ढोङ्होङ याॽमि स्वागत ले़ःॽमा लुबॽआ चाहिँ, मोमि दुस्ट योम्बोक ले़ःॽमाराप्डिडोक्नोॽ लिये। 12 के़ॽ हे़न साप्माहा खागो बेॽलोनोॽ टुहा, तर इघा चोप खा पत्राबेॽ ने़ॽनि, तर हे़न्नुङ चुप्नुङ्नोॽ लुन्ने़, हे़न्नुङ चुप्मे आसाबेॽ का टुङे। मो याक चइबानोॽ कानिङ बेॽलोनोॽ साप्थाङ्इन्डिङ्मा। 13 निवाहाङ्डे़ॽ से़म्बॽआ हे़ने़ए़ सम्समा निसामि पसाजिडे़ॽसो हे़न सेवा पाङ्इटामे। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.