१ कोरिन्थि 16 - याम्फुनिवाहाङ्मि याॽमिजिमि लागि भेटि 1 यहुदियाबेॽ पेङ्घुबा निवाहाङ्मि याॽमिजिमि लागि भेटि सुम्मे खामि टुम्बेॽ के़ॽ गलातिया ठाउँबेॽहा बिस्वासिजि लुटुङ्हाजिनुङ हे़निङे़ॽसो मोडोक्नोॽ ले़टानुमे। 2 सातामि याक्लोए याक हे़निङ चोबे़ॽ टाङ्बा टाङ्बामि नमयाकबाङ इन्डोक पिहेन्डानुमे हायुक्सानुमे, मोडोॽ ले़ःॽमाहोङ का लेम्माबेॽ भेटि सुम्मा पाप्निबा। 3 मोबा का लेन्नुङ ए़क्साङ हे़निङे़ॽ पाङ्मा मिॽपॽआ याॽमिजि चिनारि पत्रा पिनुङ माहा भेटि यरुसलेम पाङ्इनुङे। 4 तर कासो खे़ॽमा सिॽहोङ खोजिनुङ सोरि खेए़ङे। 5 माकेडोनियाबाङ टेमाबेॽ का हे़निङ चुप्सिॽ लेङ्इङे़, याक्लो चाहिँ का मोबेॽ खे़ॽमा मिङ्इटिङे। 6 टेमाबेॽ चाहिँ का हे़निङ्बेॽ पेङ्इङे, सक्खे हिउँदो रुक्खे़ॽलोनोॽ पेङ्इङेन्डे, मोबाङ ए़क्साङ का हाम्बेॽ खे़ॽमाबेॽसो हे़निङे़ॽ का सहायता ले़ःॽहेन्डानुमे। 7 इगोखेॽ चाहिँ हे़निङ्नुङ इॽछोॽरेॽ चुप्सिॽ ने़ॽनि, तर परभुडे़ॽ मिडुहोङ बेॽलो याक हे़निङ्नुङ पेम्मे आसा युङ्इटुङे। 8 तर पेन्तिकोसमि चाड लेङ्रो का एफिसस सहरबेॽ पेङ्इङे। 9 इन्ढोङ्होङ मोबेॽ बेॽलो टेडिघरिक याॽमिजि टुम्मे, तरसो, नुबानुङ बेॽएम्मा योम्बोक ले़ःॽमे मौका के़ॽ चुप्मिटुङे। 10 तिमोथि हे़निङ्बेॽ लेम्माबेॽ खो हे़निङे़ॽ टाङ्बामि निसाडोॽ ले़ःॽनुङ पेम्मिॽमे। इन्ढोङ्होङ खोसे़ॽसो के़ॽडोक्नोॽ परभुमि योम्बोक ले़ःॽमे़ॽसिन्डुए। 11 असे़ॽसो खो हेला मे़ले़ःॽहेसुजिरो। काबेॽ आप्माबेॽ खो हेरो सहायता ले़ःॽहाक्सानुमे, इन्ढोङ्होङ खो हाइखा बिस्वासि वावानिसाजिनुङ लेङ्इये लुनुङ आसा ले़ःॽमे़ॽनिङ्सिनुङे। 12 मोबा के़ॽ अपोल्लोस निसा हाइखा बिस्वासिजि सोरि चिक्खे़ॽनुङ हे़निङ चुप्सिॽ तिरासानिङे लुनुङ बेॽलो बिन्ति ले़टुङ। तर खो इगोखेॽ चाहिँ आप्मा मे़मिना। ए़क्साङ मौका चुप्होङ खो आप्मिये। पावलमि ए़क्साङ्ए अरति 13 होसियार ले़ःॽनुङ पेनानिङे, बिस्वासबेॽ दिगो लिसानिङे। आँटिलोनुङ बोलियो लिसानिङे। 14 हे़निङे़ॽ इमाङ इमाङ ले़न्डानुम, माहा चोप नम्नमनुङ ले़टानुमे। 15 हे़निङे़ॽ स्तिफनासमि खिमबेॽहाजि नुरोॽ लेन्डानुमे। खोजि चाहिँ अखैया ठाउँबेॽहा याॽमिजिबेॽ चोप्पाङ याक्लो बिस्वास ले़ःॽखुबाजि ले़म्मे। खोजिडे़ॽ निवाहाङ्मि याॽमिजिमि सेवा ले़ःॽमामि लागि टाङ्बामि हिङ्मवा टिटुजे। 16 के़हा वावानिसानुङ नानुसाजि, इडोक्हा याॽमिजिडे़ॽनुङ निवाहाङ्मि योम्बोक ले़ःॽखुबाजि चोबे़ॽ लुबॽआ खा खेप्सानुमे लुनुङ हे़निङ बिन्ति ले़निम्ने़। 17 स्तिफनास, फोरटुनाटसनुङ अखाइकस लेम्माबेॽ का बेॽलो साप्थाक्सिङ, इन्ढोङ्होङ हे़निङ कानुङ माॽआडिङ मोडोक्पेॽ खोजिडे़ॽ हे़निङ टुडिडोक्नोॽ का हाङ्हाङ टोक्सामि। 18 इन्ढोङ्होङ खोजिडे़ॽ हे़निङ हौसला पिडिडोॽ कासो हौसला पिटामे, इडोक्हा याॽमिजिमि आदर ले़टानुमे। 19 एसिया ठाउँबेॽहा बिस्वासिजिडे़ॽ हे़निङ सेवायो लुटामे। अकिलासनुङ पिरिस्किलाडे़ॽ मोबा खोजिमि खिमबेॽ सुम्नुङ सङ्गति ले़ःॽखुबाजिडे़ॽ परभुमि निङ्बेॽ सेवायो लुटामे यो। 20 येसु खिरिस्टबेॽ बिस्वास ले़ःॽखुबा चोबे़ॽ हे़निङ सेवायो लुटामे। हे़निङे़ॽसो इक्कोसे़ॽ हाइको नम्नमनुङ सेवायो लुसानुमे। 21 का पावलडे़ॽ हे़निङ सेवायो लुनुङ काङ्मिनोॽ हुगे़ॽ साप्हाङ्इटुङे। 22 असे़ॽ परभु नम्नम ले़टुनिबा मोमि हिङ्मवाबेॽ चापहिमा सिॽरो। हे कानिङ्मि परभु चान्डो लेस्से! 23 परभु येसुमि अनुग्रहा हे़निङ्नुङ टुरो। 24 खिरिस्ट येसुबेॽ हे़निङ चोपजि काङ्मि नम्नम टुये। आमेन। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.