Salmos 133 - El Nuevo Testamento y unos libros del Antiguo Testamento

Nase luluu kuu nuu ka otutu ñayiu ka skuaꞌa

¹ Vi kondiaꞌa ni nase guaguaꞌa vi nase luluu kuu nuu ka ndututuo jin ñanio vi kuaꞌo ja vi inuu inuu ka kintnaꞌo.

² Chi kuu na kuinio tatna xiko ja ni ka joso xini ndi sutu Aarón, te makee ndee nuu ixi nuu de, te kunjino ndee yuꞌu saꞌun niꞌnu de.

³ Te suni kuu na kuinio yuyu ja makuun nuu yuku Hermón, te kunjino ndee nuu yuku Sión, chi ndee yun tetniuu Jitoꞌo Dios javii javaꞌa ya, vi ja vi kotekuo nikuii nikani.