Salmos 121 - El Nuevo Testamento y unos libros del Antiguo Testamento

Maa Jitoꞌo kuu ia jito jini ña

¹ Nuu ndakoto niꞌni san nuu yuku kaꞌnu yun te ndakani ini san, ¿ndenu kii ia chituu ña jion?

² Te ia chituu ña jin san kuu maa Jitoꞌo, ia ni saꞌa andivi vi ñuyiu.

³ Te ma kuandetu ya ja kekaa ni ja ndonso ni, te ni ma kusun saꞌun ia jito jini ña jin ni.

⁴ Chi tu saꞌun kixin ia jito ña jin ñayiu Israel, te ni tu kixin ndei ya.

⁵ Maa Jitoꞌo Dios kuu ia jito jini ña, te nuu kati maa ya ka oo ni. Te oo ya ichi ndaꞌa kuaꞌa ni ja chituu ña ya.

⁶ Te ma teñuꞌu ña nikandii tnoꞌo nduu, ni ma saꞌa kueꞌe ña ndaꞌa yoo tnoꞌo jakuaa.

⁷ Chi maa Jitoꞌo Dios kuu ia tavaꞌa ña nuu ndiꞌi jakueꞌe. Maa ya kuu ia tavaꞌa ña jin ni.

⁸ Chi maa Jitoꞌo Dios kuu ia jito jini ña ndee nuu kee ni veꞌe ni vi ndee nuu ndajiokuiin ni, ndee vitna vi nikuii nikani.