Salmos 150 - New Testament Psalms and Proverbs in Mixtec Magdalena Peñasco

Salmo 150 Vivii jín tee o yaa ma, te jín kata o, te jín ndachiñu'u o Su'si ma

¹ Jayiñu'u na koo nuu Su'si Iya Tátnuni a. Jin ndachiñu'u ni Su'si o a ini veñu'u ya ma. Jin ndachiñu'u ni Su'si o iya tátnuni onde andivi ma. Jin ndachiñu'u ni Su'si o a, vaa maa ya kúu iya kúu sa'a ndaka.

² Jin ndachiñu'u ni Su'si o a, vaa maa ya chi ñatuu nawa jákituu ya ja ma kuu sa'a ya ma.

³ Jin tivi ni trompeta ma, te jin ndachiñu'u ni ya. Jin tee ni arpa ma ji'in salterio ma, te jin ndachiñu'u ni ya.

⁴ Jin kandava jin kandita ni, te jin skixin ni pandero ma, te jin ndachiñu'u ni ya. Te jin tivi ni flauta ma, te jin tee ni yutnu ka yi'i tuchi ma, te jin ndachiñu'u ni ya.

⁵ Vivii jin skixin ni platillu ma, te jin ndachiñu'u ni ya.

⁶ Te ndaka ñayii a ja kúu ka xtatachi i ma, jín ndachiñu'u i Su'si Iya Tátnuni ma. Te ndaka tna kiti ma ja kúu ka xtatachi ti ma, jin sa'a tna ti sukan. ¡Aleluya! ¡Ûni kóo jayiñu'u Su'si o Iya Tátnuni a!