Salmos 134 - New Testament Psalms and Proverbs in Mixtec Magdalena Peñasco

Salmo 134 Jín ndachiñu'u o Su'si ma vaa maa ya ni sa'a andivi a ji'in ñu'ú a

¹ Jin konde'ya ni maa Iya Tátnuni ma, ndaka ndijin ja ka jinukuechi ni nuu ya ma, te jin ndachiñu'u ni ya, ndaka ni ja ka iyo ni jakuaa ma ve'e Iya Tátnuni ma.

² Jin ndone'e ni nda'a ni a, ja ka iyo ni veñu'u ya a, te jin ndachiñu'u ni Su'si o iya tátnuni nuu o a.

³ Te maa iya ni sa'a andivi ma ji'in ñu'ú ya, te onde ñuu Sion ma nuu iyo ya ma, te tétniñu ya ja vii ja va'a ja jin kuta'vi o.