Salmos 13 - New Testament Psalms and Proverbs in Mixtec Magdalena Peñasco

Salmo 13 Sukan kakan‑ta'vi o nuu Su'si ma ja na chindee ña'a ya ora ndó'o néni o ma

¹ Iya Tátnuni, ¿na saa‑ka kii ko ndunaa ña'a ni te koo jika ni nuu sa a? ¿Na saa‑ka kivi ni ma kuni ña'a sa ja iyo ni ji'in sa a?

² ¿Na saa‑ka kii ndo'o neni ini anua sa ya, ja kúxii ini i ndi‑kivi ndi‑kivi a? ¿Na saa‑ka kii kundee suchi ñatuu kúnimani nuu sa ya ja xndo'o xneni ña'a i?

³ Su'si maa sa, Iya Tátnuni, konde'ya ña'a ni, te ndakone'e ni ja jikan‑ta'vi sa nuu ni a. Ndaxtnuu ni ñu'u maa ni a nuu sa, sukan‑va'a má kûu sa.

⁴ Vaa nú ña'a, te suchi ñatuu kúnimani nuu sa ma, te ka'an i, “Ni kundee o nuu i.” Te ndaka ñayii ñatuu ka kunimani nuu sa ma, te jin kutachi xen‑xeen i ja ni kendeka sa ma.

⁵ Kovaa saña chi kúkanu ini ña'a sa ja kútoo ña'a ni, te ini anua sa ya, kúsii ini xeen i ja maa ni sa'a ja kaku sa nuu ja u'vi ma.

⁶ Kata sa nuu Iya Tátnuni ma, vaa maa ya ni sa'a ja vii ja va'a ja kuu sa ya.