Salmos 125 - New Testament Psalms and Proverbs in Mixtec Magdalena Peñasco

Salmo 125 Su'si ma chi jito vava'a ya ñayii ñuu ya ma

¹ Ñayii ka kukanu ini Iya Tátnuni ma chi sukan kúu yuku nani Sion ma ja núkuiñi vava'a i ni‑kani ni‑jika ma, sukan ka kuu ñayii yukan.

² Sukan kúu ñuu Jerusalén ma ja ni ka ndakonduu ña'a yuku ma, sukan kúu Iya Tátnuni ma, ni ndakonduu ya ñuu ya ma. Jito ya i onde vitna, te sukan ko koto ya i ni‑kani ni‑jika.

³ Te tnu'u ndee tnu'u ndatnu ja u'vi ma, másu kua'a Iya Tátnuni ma tnu'u ja koo yatni i nuu ka iyo ñayii ka sa'a ja va'a ja ndaa ma. Vaa nasa yukan, te jin ko sa'a tna i ja u'vi ma.

⁴ Su'si Iya Tátnuni, sa'a ni ja va'a ja jin kuu ñayii ka sa'a ja va'a ma te ka iyo ndaa ini anua i ma nuu ni.

⁵ Kovaa ñayii ni ka kusiin ma te ka sa'a i ja u'vi ma, chi maa Iya Tátnuni ma, jin nu chunee ya i nuu ka iyo ñayii ka sa'a ja u'vi ma. Kovaa ñayii ñuu Israel ma, na jin koo mani i.