Ulandaan 11 - Uwumbɔr aagbaŋ

Ulandaan aah tun pu na

¹ Li ŋani tiŋann saasachun mɔmɔk ni, le saaŋann ngbaan ga nan gir ni aa chee n‑yoonn mubaa.

² Taa joo saawangol tii lipepel libaa baanja, li tii ŋipepel mɔmɔk, ba pu? saa nyi kinimbɔŋ ki aa ga kan dulnyaa wee ni na.

³ Busub yaa gee bu lir lipepel li wɔb na kan, bu ga li dɔ bu aah lir nin chee na la. Ntaalangbam yaa ti gbiin nnyun kan, le utaal nu.

⁴ Aa yaa ka kii ke libuln ni mbimbin ti ŋeer kan, saan bu nibaa, kaan chee nibaa mu.

⁵ Uwumbɔr le naan tiwan mɔmɔk, le saan ki ŋmaa bee waah tun pu na, ke saah kaan ŋmaa bee ubo aah naani upudaan aapuul ponn ni pu na.

⁶ Li bu saajikaabim kichakpiik ni, ni kijook mu. Saan ŋmaa bee ke ni mɔmɔk ga nan ŋa aan naan ŋa, kaan ki ŋmaa bee kichakpiik ni, ni kijook yaan ni ga ŋa jer niken na.

⁷ Ni ŋan ke aa li fu ki kani nwiin aawiihn.

⁸ Li dooni Uwumbɔr libiln limɔk aa jin na pu. Aa gee aa yunn dulnyaa wee ponn ni ba pu, li nyi ke aa ga nan yunn nkun ni ki jer kina. N‑yoonn mu choo na aabɔr mɔmɔk ye fam la.

Binib bi laa diin na aasurm

⁹ Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

¹⁰ Taa cha tiwan nibaa li muk si ki tii si iween. Saapɔnn aan ki yunn sakpen.