Ŋiyataŋak 7 - Uwumbɔr aagbaŋ

¹ Maabo, teer maah tuk si pu na, ki taa suln maah bui si ke aa ŋa pu na.

² Ŋa maah tuk si pu na ki li kpa limɔfal. Li dii maah mɔk si pu na mbamɔm ke saah kii saanimbil pu na.

³ Li joo maamɔkm n‑yoonn mɔmɔk; ŋmee mu paan aapobil pu.

⁴ Li joo nlan ke saah ga joo aaninkpan pu na, ki li joo nlan mu ga cha aa bee tiwan na ke saah joo aajɔnyaan pu na.

⁵ Mu ga nyan si aaŋeen aatɔtiib aapuutiib bi kpa kimɔmɔɔn na chee.

Upiininsun

⁶ N‑yoonn mubaa le m nan si baa maatakolu ki lik lipaal,

⁷ le ki kan binachipɔm bi kaa kee nyi nibaa na pam, tɔ, m nan kan bi ponn ni ujɔr sakpiin ubaa.

⁸ U nan chuun kpak kilɔlɔŋ kibaa chee. Upii ubaa nan koo nima chee. U nan bi jer upii ngbaan do

⁹ kijoobɔŋ wɔb.

¹⁰ Le upii ngbaan to u nsan ni; u nan buu ubaa ke upiidagoor na, le ki bi dak waalandak uyil ni.

¹¹ U nan ye upii u kaa san inimɔɔn ki chuun kpak kitiŋ ponn ni n‑yoonn mɔmɔk na la,

¹² bee ki si tilɔlɔnn ni, n‑yoonn mubaa mu kan, kitiŋ ni, mubaa mu kan, kinyaŋ ni.

¹³ U nan di uŋaal kpal unachipɔɔn ngbaan, ki moor utakpiln, ki lik unimbil ni chimm, le ki bui ke,

¹⁴ “M toor maatork din le ki kan tinann kitork ngbaan ni.

¹⁵ Kina pu le m nyan ki bi ban si. M ba gee ke m kan si, tɔ, sin le si do na.

¹⁶ M di ŋikekenyaan ŋi nyan ni Ijipt aatiŋ ni na le paan maawandookaan pu.

¹⁷ M di tulalee tiib bi bi yin bi ke mir, ni alos, ni sinamonn na le di yɔk yɔk u pu.

¹⁸ Dan. Cha ti buen ti ŋa timi aageehm ki ti woln kitaak. Ti yaa ti koo tɔb aaŋaal ni kan, ni ga piir ti mɔmɔk aasui pam.

¹⁹ Nchal aa bi linampal. U buen nsan kaan gir ni mala.

²⁰ U joo ŋimombil ŋi wiir na kaan gir ni ki ti saa ŋikpaakoo ŋilee.”

²¹ Upii ngbaan nan ŋa kina le ki di waabɔnyɔk chuu unachipɔɔn ngbaan, le u kii waamɔmɔɔn ngbaan.

²² Libuul ngbaan ni le u san dii u ke unaa u bi joo u cha bi ti kɔr u na, ki naahn ke upeel u yuk jaa jaa ke u ti koo gaawɔb ponn ni na,

²³ ki cha nin chee mpiin ga ti too chaar upobil na. U nan naahn unyoon u cha u ti koo kipɔɔk ni na la, kaa nyi ke waamɔfal bi tibɔr ni.

²⁴ Tɔ, maabim, li pel man. Ŋun tii man maah len pu na.

²⁵ Taa cha kina aapii koo nisui ni man; taa chuun ban u man.

²⁶ U bii bijab pam, ki junn bijab bi kaa kpa nkahm na aamɔfal.

²⁷ Ni yaa buen udo kan, ni bi nkun aasan ni la. Mu ye nsan mu cha kitekpiitiŋ ni la.