Ŋiyataŋak 20 - Uwumbɔr aagbaŋ

¹ Lidanyul sakpen ŋani unii ujɔr ni kifuukdaan la. Lidanyul ye igbaan la.

² Li san ubɔr u aaŋuul fii na ijawaan, ke saah ga li san uchinn u bi ŋuuni na ijawaan pu na; aa yaa fiin waaŋuul kan, aa pɔ tee ku aabaa.

³ Ujɔr mɔk ga ŋmaa piin kinikpakpak; kinyuŋ ki bi na le ye ke aa taa koo kinikpakpak ni.

⁴ Ukpaayuk u kaa piini likuul buyoonn bikpaab biken piini na aan nan kan nibaa ki chee.

⁵ Unii aalandak bi ke libuln li nyoo na aanyun la, tɔ, unii u kpa ichiin na ga ŋmaa nyan ni i lipaal.

⁶ Unii mɔmɔk len waah si chob ki ŋani tiwan mɔmɔk aah mɔk pu na la, tɔ, saan ŋmaa kan kina aanii.

⁷ Mbim yaa kpa te u aabimbin ŋan aan u ŋani tiwan ni ŋan na kan, bi kpa liyinyaan.

⁸ Ubɔr ka libɔjil ni le ki yaa kan titunwanbir kan, u beer ti.

⁹ Unii ga ŋmaa len ke waabimbin aa kpa tijɔŋ, ki bui ke u nyan titunwanbir ni ii?

¹⁰ Uwumbɔr aa gee binib bi joo tiwaŋaŋkaan ni kaa ye nibamɔnn ŋaŋni tiwan na.

¹¹ Hali ubo aatuln le mɔk waah ye unii u na; nima chee le aa ga ŋmaa bee ke u bi chob ki ŋan aan waa bi kina.

¹² Uwumbɔr tii timi ŋinimbil ke ti li joo lik, le ki tii timi ŋitafal ke ti li joo ŋun.

¹³ Aa yaa joo saayoonn geeni kan, aa ga ŋa ugiin. Li tun, le aa ga kan ki ji.

¹⁴ Unii u daa na len n‑yoonn mɔmɔk ke kidaak pɔɔ la, tɔ, waah siir na, le u kpa kipupuk waah pii dafir pu na.

¹⁵ Aa yaa nyi saah len pu na aatataa kan, aa kpa tiwan ni jer salmaa bee nleenyaan na.

¹⁶ Ugbaan umɔk puu tipuur ke u ga gaa uchaan aapɔln na ga di ubaa aawangol le di siin lipɔln ngbaan pu.

¹⁷ Aa yaa bi ji beebee aajikaar kan, ti mɔ la, le saah ti jin ti doo na le ti kpaln ŋitakpabil aamɔb ni.

¹⁸ Kan nsurm mu ŋan na ki kan linyaŋ; taa di bil bil ti koo butɔb ni kaa ŋa bu aalandak waahr.

¹⁹ Ubɔmbɔtukr aan ŋmaa joo tibɔbɔrkaan. Taa duuni binib bi gbaa tibɔr sakpen na chee.

²⁰ Aa yaa puun lii aate bee aana pu kan, saamɔfal ga junn ke karyaa aah junni mbɔmbɔɔn ni pu na la.

²¹ Liwangol li saa nyan kitotoŋ ki kan li na aan ŋa si tinyoor tibaa.

²² Taa cha ni li ye si limukl ke aa teen unii taani. Kii tii Uwumbɔr aan u ga toor ti tii si.

²³ Uwumbɔr aa gee binib bi joo tiwaŋaŋkaan ni kaa ye nibamɔnn na ŋaŋni tiwan na.

²⁴ Uwumbɔr le siin ti mɔmɔk aah ga kan pu na; kina pu na, unii ga ŋa kinye ki bee waamɔfal aah ga ti doo pu na?

²⁵ Dakl lik mbamɔm waahr ki nin puu ke aa ga tii Uwumbɔr ipiin. Ni yaa kaa ye kina kan, aa ga nan bui ke m yaa ba nyi kina.

²⁶ Ubɔr u kpa nlan na ga lik le ki bee unii u tun taani na, le ki ga daa utafal kaan san u kinimbaak.

²⁷ Unibɔn aafuur le ye Uwumbɔr aakaryaa, ki lik tiwan nimɔk bi usui ni na la.

²⁸ Ubɔr yaa joo ibamɔn, ni mbimbinyaan, ki ŋani binib mɔmɔk naah tok pu na kan, u ga yunn nnaan ni.

²⁹ Ti neen tinachipɔnn aapɔɔn, le ki pak tininkpir aayikpipiin.

³⁰ N‑yoonn mubaa kan, see ti kan iween sakpiin le ki nin toor timi aabimbin.