Ŋiyataŋak 19 - Uwumbɔr aagbaŋ

¹ Aa yaa ye ugiin ki bi chob saabimbin ni kan, ni soor ni ke aa li ye ujɔr ni unyamɔndaan.

² Nlan yaa kaa bi unimandaan chee kan, ni ye fam la; aa yaa ŋani tiwan kaa chur aabaa kan, ni joo si kooni tibɔr ni la.

³ Binib bibaa joo baajɔrk aatun le junni baamɔfal, le ki tee galni Uwumbɔr.

⁴ Binib bi kpa liwankpal na kani jɔtiib n‑yoonn mɔmɔk la, le bigiim ma aa ŋmaa joo baah kpa jɔtiib siib bi na.

⁵ Aa yaa geei inyamɔn libɔjil ni kan, aa ga kan ntafadaan; saan nyan mu ni.

⁶ Unii mɔmɔk ban bininyuum aajɔtiik la; unii mɔmɔk jɔnni binib bi tii baaterm na la.

⁷ Hali ugiin aanaabitiib aa yin u nibaa, kina pu na, naa ye iwaan ke ugiin aa kpa jɔ. U po gee u pɔɔn ubaa, ba pu? waan ŋmaa daa ubaa tam ni ubaa.

⁸ Bae saah ga ŋman pu na ki tii aabaa nterm; li teer saah bae tiwan ni na ki kan liwangol.

⁹ Unii ubaa aa geei inyamɔn libɔjil ni ki nya ntafadaan ni, waamɔfal junn la.

¹⁰ Bijɔrb taa li bi mmɔɔn ni, binaagbiib taa li joo nnaan aanib.

¹¹ Aa yaa ye ulandaan kan, aa ga li chur aabaa tibɔr ni. Ni ye mbimbinyaan sakpem le ke aa taa gar unii u tun si taani na.

¹² Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

¹³ Ubogbaan ga ŋmaa joo ni ute aamɔfal aadoon. Upii u muk uchal n‑yoonn mɔmɔk na naahn nnyun mu tuu kpolo kpolo na la.

¹⁴ Uja ga ŋmaa ji ute aadichal ni ŋimombil aafaal; Uwumbɔr baanja le ga ŋmaa tii u upiilandaan.

¹⁵ Aa yaa gee kan, li ye ugbanyakdaan, ki li dɔ geen, ki tee li nyi ke aa ga chuun nkon.

¹⁶ Li joo Uwumbɔr aakaal ki li kpa limɔfafɔfɔŋ; aatafal yaa kaa bi i ni kan, aa ga kpo.

¹⁷ Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.

¹⁸ Daa saabim aatafal n‑yoonn mu bi laa par ki ga ŋmaa bae na. Aa yaa kaa ŋa kina kan, aa bi ter bi ke bi junn baamɔfal la.

¹⁹ Unii aasui yaa pɔɔ kan, cha u kan kina aapar. Aa yaa nyan u tibɔr ni nfum mubaa kan, aa ga ki gir nyan u lelee.

²⁰ Aa yaa ŋun tii nsurm ki ban ke aa bae kan, aa ga nan ŋa nlan daalbaadaal.

²¹ Binib ga ŋmaa kpokl baah gee pu na mɔmɔk; Uwumbɔr aageehn mu le ga ŋa.

²² Kukumɔŋ ye inimɔɔn la; binib bi ye bigiim na soor binyamɔndam.

²³ Kii Uwumbɔr aamɔb ki li kpa limɔfal li fɔk na, ni lipugbiil, ki taa koo tibɔr tibaa ni.

²⁴ Binib bibaa kpa ligbanyakl sakpen le kaan ŋmaa di busaa ŋa bimɔi ni.

²⁵ Ni ŋan ke kigaak kan ntafadaan, le binib bi kaa nyi nibaa na ga ŋmaa bae nlan. Aa yaa kpa nlan kan, buyoonn bi sur si na le aa ga bae.

²⁶ Unimɔɔnii ni maasɔdaan le ga ŋa ute mbiin, bee u jenn nyan una waadichal ni.

²⁷ Maabo, aa yaa di cha tiwan aabaem kan, aa ga kpaan suln saah puun nyi tiwan ni na.

²⁸ Useeraadaan yaa nyan sil ke u ŋa unii mbiin kan, ibamɔn aa bi nima. Bibiindam gee ke bi lak kinimbɔŋ ki lik la.

²⁹ Unii u mɔk ubaa sakpen na aa daa tigbar chee.