Mpiin 5 - Uwumbɔr aagbaŋ

Adam aayaabitiib aayimbil

¹ Adam aayaabitiib aah paa tɔb pu pu na sɔ. Uwumbɔr aah naan unibɔn na, u ŋa bi ki di naŋ ubaa la.

² U nan naan uja ni upii la, le ki ŋa tinyoor ŋa bi pu, le ki yin bi ke “Unibɔn”.

³ N‑yoonn mu Adam nan saa ŋibin nkub ni piitaa na, le upuu ki dek lipuul, le ki ma ubijabo u naahn ute Adam, le u yin u ke Sef.

⁴ Adam nan ki ma mbim muken, le ki nan beenin bi, ki ti saa ŋibin ikui iniin,

⁵ le ki nan saa ŋibin ikui iwae ni piitaa, le ki nin kpo.

⁶ N‑yoonn mu Sef ti saa ŋibin nkub ni ŋiŋmu na, le u ma ujapɔɔn Enos.

⁷ Sef nan ki ma mbim muken, le ki nan beenin bi, ki ti saa ŋibin ikui iniin ni ŋilole,

⁸ le ki nan saa ŋibin ikui iwae ni kipiik ni ŋilee, le ki nin kpo.

⁹ N‑yoonn mu Enos nan ti saa ŋibin imonko inaa ni kipiik na, le u ma ujapɔɔn Kenann,

¹⁰ le u nan ki ma mbim muken, le ki nan beenin bi, ki ti saa ŋibin ikui iniin ni kipiik ni ŋiŋmu,

¹¹ le ki nan saa ŋibin ikui iwae ni ŋiŋmu, le ki nin kpo.

¹² N‑yoonn mu Kenann nan ti saa ŋibin imonko itaa ni kipiik na, le u ma ujapɔɔn Mahalalel,

¹³ le u nan ki ma mbim muken, le ki nan beenin bi, ki ti saa ŋibin ikui iniin ni imonko ilee,

¹⁴ le ki nan saa ŋibin ikui iwae ni kipiik, le ki nin kpo.

¹⁵ N‑yoonn mu Mahalalel nan ti saa ŋibin imonko itaa ni ŋibin ŋiŋmu na, le u ma ujapɔɔn Jared,

¹⁶ le u nan ki ma mbim muken, le ki nan beenin bi, ki ti saa ŋibin ikui iniin ni piitaa,

¹⁷ le ki nan saa ŋibin ikui iniin ni imonko inaa ni kipiik ni ŋiŋmu, le ki nin kpo.

¹⁸ N‑yoonn mu Jared nan ti saa ŋibin nkub ni imonko itaa ni ŋilee na, le u ma ujapɔɔn Enok,

¹⁹ le u nan ki ma mbim muken, le ki nan beenin bi, ki ti saa ŋibin ikui iniin,

²⁰ le ki nan saa ŋibin ikui iwae ni imonko itaa ni ŋilee, le ki nin kpo.

²¹ N‑yoonn mu Enok nan ti saa ŋibin imonko itaa ni ŋiŋmu na, le u ma ujapɔɔn Metusela.

²² Nee aapuwɔb le Enok nan dii Uwumbɔr aasan mbamɔm, le ki ma mbim muken, le ki nan beenin bi, ki ti saa ŋibin ikui itaa.

²³ U nan bi ki ti saa ŋibin ikui itaa ni imonko itaa ni ŋiŋmu.

²⁴ U nan dii Uwumbɔr mbamɔm, le kaa nan kpo. Uwumbɔr le nan di u buen paacham.

²⁵ N‑yoonn mu Metusela nan ti saa ŋibin nkub ni imonko inaa ni ŋilole na, le u ma ujapɔɔn Lamek,

²⁶ le ki ma mbim muken, le ki nan beenin bi, ki ti saa ŋibin ikui ilole ni imonko inaa ni ŋilee.

²⁷ Le u nan saa ŋibin ikui iwae ni imonko itaa ni ŋiwae, le ki nin kpo.

²⁸ N‑yoonn mu Lamek nan ti saa ŋibin nkub ni imonko inaa ni ŋilee na, le u ma ujapɔɔn

²⁹ le ki bui ke, “Uwumbɔr aah puun lii kitiŋ pu na, ubo umina pu, le ti ga kan lifuur timi aafalaa ni,” le ki yin u ke Nowa.

³⁰ Lamek nan ki ma mbim muken, le ki nan beenin bi, ki ti saa ŋibin ikui iŋmu ni imonko inaa ni kipiik ni ŋiŋmu,

³¹ le ki nan saa ŋibin ikui ilole ni imonko itaa ni kipiik ni ŋilole, le ki nin kpo.

³² Nowa aah nan ti saa ŋibin ikui iŋmu na, nee aapuwɔb le u ma mbijabim mutaa, ki yin ubaa ke Sem, ki yin uken ke Ham, ki yin u uken ke Jafef.