Malakai 4 - Uwumbɔr aagbaŋ

Uwumbɔr aawiin choo

¹ Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

² Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

³ Nwiin mundaal m ga fii sil na kan, ni ga nyaŋ bibiindam, le bi li gur bi ke kitangbaak na nitaaputan taab.

⁴ “Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

⁵ “Tɔ, waahr aan min Uwumbɔr aawinbiik ngbaan daal nin fuu ni na, m ga tun ni maabɔnabr Elaija ni chee.

⁶ U ga nan cha tetiib ni baabim ki kpaan; naa ye kina kan, m ga dan ki nan kuln nimi aatiŋ.”