Liifai Yaab 2 - Uwumbɔr aagbaŋ

Njikaabim aapiin

¹ N‑yoonn mu unii ubaa yaa ban u tii Uwumbɔr njikaabim aapiin na kan, u pue nan njikaabim ngbaan mu ŋa n‑yon. U ban nkpan ni tulalee aayon paan mu pu.

² U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

³ N‑yon mu gur na ye bitotoorb yaan la. Baah di tijikaar ngbaan tii Uwumbɔr aan ti gur na, ti ye tijikaar ti bi chain na la.

⁴ Ipiin ngbaan yaa ye boroboro le bi di pun boroboro aadiik ni kan, bi ŋa u ki taa di boroboro aanyɔk ŋmal u ni; bi di olif aakpan ŋmal n‑yon ni, ki ŋa boroboro u filk na, bee bi ŋa u ke maab na, ki di nkpan gbaa u.

⁵ Ipiin ngbaan yaa ye maab u bi ken u limaasambil ni na kan, bi ŋa u ki di olif aakpan ŋmal n‑yon ni, ki taa ŋa nnyɔk u ni.

⁶ Bi yaa ban bi di u tii Uwumbɔr ipiin kan, bi bur bur u ki ban nkpan ŋa u pu.

⁷ Ipiin ngbaan yaa ye tijikaar ti bi di ŋaan likumbuul ni na kan, bi yaa ban bi ŋa ti kan, bi di olif aakpan ŋmal n‑yon ni.

⁸ Bi li joo ni ipiin ngbaan ki nan di tii Uwumbɔr, aan utotoor gaa ti ki di buen kitork aabimbiln chee.

⁹ Utotoor ga lee ti ngem ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

¹⁰ Ipiin i gur na ye bitotoorb yaan la. Baah di tijikaar aapiin ngbaan tii Uwumbɔr aan ti gur na, ti ye tijikaar ti bi chain na la.

¹¹ Bi yaa ban bi tii Uwumbɔr njikaabim aapiin kan, bi taa ŋa boroboro aanyɔk mu ni, bi yaa ban bi tii kina aapiin kan, bi taa ŋa boroboro aanyɔk, bee tisiir.

¹² Libiln mɔk ni, ni yaa chee njan aajikaabim kan, ni ban ti ki nan tii Uwumbɔr ipiin, ni taa see tima mmii ni.

¹³ Ni ban n‑yaan ŋa nimi aajikaar aapiin mɔmɔk ni, ba pu? n‑yaan le ye tipuur ti bi ni ni Uwumbɔr aasisik ni na aamɔkl. Ni li ŋani n‑yaan nimi aapiin mɔmɔk ni.

¹⁴ Ni yaa ban ni tii Uwumbɔr naah chee njan aajikaabim mu na kan, ni pu mu, bee ni nan mu, aan mu ŋa n‑yon.

¹⁵ Ni ban olif aakpan ni tulalee aayon paan mu pu.

¹⁶ Le utotoor ga lee n‑yon, ni nkpan, ki kpee tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la.