Jeremia 45 - Uwumbɔr aagbaŋ

Uwumbɔr aah nan puu tipuur ti tii Baruk na

¹ Josia aajapɔɔn Jehoyakim aah nan ye Juda aabɔr pu na aabinanar ponn ni, le Baruk nan ŋmee maah nan ŋeer tibɔr ti tuk u na bil.

² Le m bui u ke Uwumbɔr, u ye Israel yaab Aawumbɔr na bui ke,

³ “Baruk, aa bi len ke, ‘M di cha a. Uwumbɔr moo di mpombiin le kpee maabɔr pu. Maah dɔ ŋuuni pu na yɔl nwon a, le maa ŋmaa kan lifuur libaa.’

⁴ “Le min Uwumbɔr bi gbaa wiil maah nan maa ni na, le ki ŋɔi maah nan bun ni na mu. M ga ŋa kitiŋ kee mɔmɔk kina la.

⁵ Aa bi ban ke m ŋa si tiwankpaan la aa? Taa ban kina. M ban m cha tibɔbir dan unibɔn mɔmɔk pu la, le aa ma ga ŋmar nin chee mɔk aa ga li bi na. Min Uwumbɔr le len kina.”