Ilahn 87 - Uwumbɔr aagbaŋ

Jerusalem aapak

¹ Uwumbɔr maa waatiŋ ligongoln li bi chain na pu la.

² U gee Jerusalem aatiŋ jer Israel aatim mɔmɔk.

³ Uwumbɔr aatiŋ, li pel waah len tibɔnyaan ti aa pu na.

⁴ “M yaa ban m ŋmee ŋitimbol ŋi kii maamɔb na aayimbil bil kan, m ga di Ijipt ni Babiloŋ aayimbil mu kpee; m ga kahn Filistia yaab, ni Taya yaab, ni Kus yaab kpee Jerusalem aanib pu.”

⁵ Bi ga len ke ŋitimbol mɔmɔk ye Sionn yaan la, le Uwumbɔr Mpɔɔndaan ga tii Sionn mpɔɔn.

⁶ Uwumbɔr ga ŋmee binib mɔmɔk aayimbil ki kpee Jerusalem aanib pu.

⁷ Bi waa liwaal le ki gaa nlahn ke, “Sionn ponn ni le timi aanyoor mɔmɔk bi.”