Ilahn 82 - Uwumbɔr aagbaŋ

Uwumbɔr le ye ujojoorkpaan

¹ Uwumbɔr le ye paacham aaninkpiib aakuun ni aayidaan; bitinjoob aakuun ni, u tii bi waalandak ke,

² “Di cha nimi aabamɔn gangal ngbaan aabɔjil; taa ki joo ibamɔn tii bibiindam man.

³ Cha bigiim ni nkpobim kan baabamɔn; cha binib bi kaa kpa na, ni binib bi kaa kpa biteterb na kan baabamɔn.

⁴ Nyan bi titunwanbirdam aapɔɔn ni man.

⁵ Naa nyi nibaa. Ni ye bijɔrb la. Ni sil ye bijinjirb la, le ibamɔn san dulnyaa wee ni.

⁶ M bui ke, ‘Ni ye maabim la; ni mɔmɔk ye Min Uwumbɔr u kaa kpa ŋeen aatɔ na aajapɔtiib la.’

⁷ Tɔ, ni mu ga kpoi ke unibɔn na la; nimɔfal ga doo ke uyidaan mɔk aah ga doo pu na la.”

⁸ Uwumbɔr, dan, ki nan joo dulnyaa; ŋitimbol mɔmɔk ye sin yaan la.