Ilahn 8 - Uwumbɔr aagbaŋ

Uwumbɔr aapak, ni unibɔn aapak

¹ Tidindaan Uwumbɔr, dulnyaa mɔmɔk nyi saayimbil pu. Saapak fuur paacham;

² bibilb ni mbipɔm gaa ilahn ki pak si. Saadim mɔmɔk aan ŋmaa ŋa si nibaa; unii umɔk aa keei saamɔb na, aa chur u siin ni libuul ni la.

³ M yaa lik kitaapaak ki aa naan na, ni uŋmal, ni iŋmabi, i aa di kaan yaabuu ni na kan,

⁴ unibɔn ye ba aan aa teer ubɔr? unibɔn aabo mu ye ba aan aatafal bi u ni?

⁵ Sin baanja le jer u; aa di kipak ni liyimbil le di tii u.

⁶ Aa lee u ke u le ye saah naan tiwan ni na aayidaan, aa di u ŋa tiwanaankaan mɔmɔk aayidaan:

⁷ aa di u ŋa ipiih, ni inaa, ni timoor ni aapeel,

⁸ ni inyoon, ni ijan, ni tiwanfuurkaan ni bi nnyusakpem ni na aayidaan.

⁹ Tidindaan Uwumbɔr, dulnyaa mɔmɔk nyi saayimbil pu.