Ilahn 54 - Uwumbɔr aagbaŋ

Buyoonn Sif yaab nan tuk Ubɔr Sɔɔl ke David bɔr baapepel ponn ni na, le David naan nlahn mue.

¹ Uwumbɔr, di saapɔɔn gaa mi lii; di saapɔɔn sakpiin na nya mi.

² Uwumbɔr, ŋun maameel; pel maabɔr.

³ Kigaadam le choo bi nan tak mi; mbiindam bi aatafal aa bi sin Uwumbɔr ni na le ban bi ku mi.

⁴ Uwumbɔr mu le ye u ter mi na. Uma Uwumbɔr le ye maakikiir.

⁵ Uwumbɔr di maadim aatunwanbir giin daa bitafal. U tun waah siin pu na, nima le u ga kuln bi.

⁶ Uwumbɔr, m ga di mpopiin le toor kitork tii si, saah ŋan pu na le ga cha m li dooni si.

⁷ Aa nyan mi maabɔr mɔmɔk ni, le m kan maadim aah lir pu na.