Ilahn 5 - Uwumbɔr aagbaŋ

Nkiirm aameel

¹ Uwumbɔr, li pel maamɔboln, ki ŋun maah ker idun pu na.

² Maawumbɔr u ye maabɔr na, li ŋun maah yin si ki ban nterm pu na. Uwumbɔr, m mee si la;

³ aa ŋun maameel kichakpiik ni; nwiin yaa puu kan, le m di maameel tii si, ki kii saah ga gar mu pu na.

⁴ Aa ye Uwumbɔr u kaa gee titunwanbir na la; saa cha kinimbɔŋ duun ni si.

⁵ Aanimbil aa kani bigaadam; saa gee bibiindam.

⁶ Aa bii binyamɔndam mɔmɔk doo ki lik seeni binib bi bir ki ŋmanni biken na.

⁷ Le saageehm sakpem pu m ga ŋmaa koo ni Saadichal ni; m ga ŋmaa doon si Saadichal li bi chain na ponn ni, ki di kipak gbaan aanimbiin ni.

⁸ Uwumbɔr, m kpa bidim sakpen a. Mɔk mi saageehn, ki cha m bee saalandak ki dii mu.

⁹ Maan kii tii maadim aah len pu na; bi ban bi li bii baanja la. Baamɔliin mɔ le ki joon; le ki tee gbii ŋŋmann mu ga ku na.

¹⁰ Uwumbɔr, bii baabɔr ki daa bitafal; cha bibaa aakpokl ku bi doo. Baatunwanbir sakpenn, ni baah yii saamɔb pu na, jenn nyan bi aanimbiin ni.

¹¹ Le binib bi kan ŋŋmarm aa chee na ma ga li mɔɔni; bi ga ŋmaa gaa ilahn mpopiin pu n‑yoonn mɔmɔk. Li kii binib bi mɔmɔk gee si na; ba pu? sin pu le bi kpa mpopiin bamɔnn.

¹² Uwumbɔr, aa ŋani tinyoor ŋani bi keei saamɔb na pu; le saageehm kii bi ke kijaak aapeln na.