Ilahn 47 - Uwumbɔr aagbaŋ

Ujojoorkpaan

¹ Binib mɔmɔk, faa ŋibambaan mpopiin pu man. Gaa ilahn mpɔɔn pu ki pak Uwumbɔr man.

² Li san man Uwumbɔr u kpa mpɔɔn jer mpɔɔn mɔmɔk na; u ye ubɔrkpaan la, le ki joo dulnyaa wee mɔmɔk.

³ U cha ti nyaŋ binib; u cha ti joo ŋitimbol ŋiken.

⁴ U lee kitiŋ ki ti ga li bi ki pu na tii timi, liwangol li ye waah gee binib bi na yaan na.

⁵ Uwumbɔr jon kal waabɔrjal pu. Mpopiin aafuuk ni kakaan mam wii n‑yoonn mu Uwumbɔr cha paacham na la.

⁶ Gaa ilahn pak Uwumbɔr man; u ye timi aabɔr, gaa ilahn pak u man.

⁷ Uwumbɔr le ye dulnyaa wee mɔmɔk aabɔr; di ilahn pak u man.

⁸ Uwumbɔr ka waabɔrjal li bi chain na pu; u joo ŋitimbol mɔmɔk.

⁹ Ŋitimbol aajojoob kuun ni unimbiin ni, ke bi ye uma Uwumbɔr u Abraham nan dii u na aanib la. Uwumbɔr kpa mpɔɔn jer bijab mɔmɔk; waanijoom nyaŋ a.