Ilahn 43 - Uwumbɔr aagbaŋ

Unii u kaa bi waatiŋ ni na aameel

¹ Uwumbɔr, bui ke maabɔr ŋan, ki len tii mi binib bi kaa dii si na chee; nyan mi binyamɔndam ni titunwanbirdam aaŋaal ni.

² Sin le ye u kii mi na; ba ŋa aa siir cha mi? ba ŋa m beenin ji falaa, maadim aah ŋa mi mbiin pu na pu?

³ Cha saawiihn ni saabamɔn dan; cha ni loln m pu nsan ki giin ni mi saagongoln li bi chain na pu, ki ti fuu saadichal, li ponn ni aa koo na,

⁴ le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

⁵ Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.