Ilahn 3 - Uwumbɔr aagbaŋ

David nan ŋmee kigbaŋ kimina buyoonn u nan san waabo Absalom pu na

¹ Uwumbɔr, m kpa bidim sakpen a, binib bi kaa gee mi na wiir sakpen a.

² Bi len mi, le ki bui ke, “Uwumbɔr aan ter u.”

³ Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

⁴ M yin Uwumbɔr ki ban nterm, le u bi waagongoln li bi chain na pu ki keei maayim.

⁵ M doo ki geeni, le Uwumbɔr ye maakikiir kinyeek mɔk.

⁶ Maa san bidim ŋichur ŋichur ŋi mann gob mi na ijawaan.

⁷ Uwumbɔr, dan. Maawumbɔr, gaa mi lii. Sin le dar maadim mɔmɔk aatafal, le baa ki kpa mpɔɔn mubaa bi tun mi titunwanbir.

⁸ Linyaŋ nyani Uwumbɔr chee la, u ŋa waanyoor ŋa waanib pu.