Ilahn 26 - Uwumbɔr aagbaŋ

Uninyaan aameel

¹ Uwumbɔr, cha unii mɔk bee ke maatunyaan pu maa kpa taani, le ki kpa gaakii aa pu.

² Uwumbɔr, tɔŋ mi ki lik mi mbamɔm; lik maah ban pu na, ni maalandak mbamɔm.

³ Saayoonn mɔmɔk aageehm le mɔk mi nsan, saabamɔn le mɔk mi nsan.

⁴ Maa kpaani binyamɔndam chee; m ni binib bi ŋmanni ke bi ye bininyaam kaa ye na aa kpaani.

⁵ Maa gee ke m ni titunwanbirdam kpaan, le ki minni bibiindam.

⁶ Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

⁷ M gaa idoon aalahn le ki tuk binib saajinjiir aatun mɔmɔk aabɔr.

⁸ Uwumbɔr, m gee saah koo lidichal li ponn ni na, nin chee saapak bi na,

⁹ Taa di mi kpaan titunwanbirdam chee ki ku mi; nyan mi binikurb aadoon ni,

¹⁰ ni binib bi tun titunwanbir n‑yoonn mɔmɔk ki gor bibaa n‑yoonn mɔmɔk ke bi gaa igaŋgaŋlik na chee.

¹¹ Mma kan, m ŋani ni ŋan na la; san mi kinimbaak ki gaa mi lii.

¹² M ŋmar tibɔr mɔmɔk chee a; Uwumbɔr aanib mɔmɔk aakuun ni, le m pak u.