Ilahn 20 - Uwumbɔr aagbaŋ

Limeel li ban linyaŋ na

¹ Aa yaa bi limukl ni kan, Uwumbɔr ŋun saameel. Uwumbɔr u Jakob mu nan dii u na li kii si.

² U cha nterm nya ni waadichal ponn ni ki choo aa chee, ki cha nterm nya Sionn Aajool pu ki pii ni si.

³ U gaa saatork mɔmɔk, aan saatork mɔmɔk piin usui.

⁴ U tii si saah ban pu na mɔmɔk, ki cha saalandak mɔmɔk ŋa saah ban pu na.

⁵ Le ti ga di mpopiin teen mpɔɔn pu, saanyaŋ pu, ki di ngbiir pak timi Aawumbɔr saanyaŋ pu. Uwumbɔr ŋa saah mee pu na mɔmɔk tii si.

⁶ M bee dandana wee ke Uwumbɔr le tii waah lee ubɔr u na linyaŋ; u bi waapaacham ni bi chain na ni, le ki keei u, ki joo waapɔɔn tii u linyaŋ.

⁷ Bibaa tii baatɔb aataan aatɔroku le naadii, le biken mu tii baataan naadii, le tima tii Tidindaan Uwumbɔr aapɔɔn naadii.

⁸ Kina aanib ga gbeer le ki lir, le tima ga fii nyal sil.

⁹ Uwumbɔr, tiin ubɔr linyaŋ; ti yaa yin si kan, aa kii timi.