Ilahn 16 - Uwumbɔr aagbaŋ

Uwumbɔr aamakl aameel

¹ Uwumbɔr, li kii mi, m kpa gaakii aa pu ke aa ga biin m pu.

² M bui Uwumbɔr ke, “Sin le ye Ndindaan; tiwanyaan nimɔk m kpa na nyan ni aa chee la.”

³ Uwumbɔr aanib bi dii u mbamɔm na ŋan sakpen a. Tiwan ni piir nsui sakpen na le ye ke m li bi bi chee.

⁴ Binib bi san chaa ŋiwaa chee na joo ni tibɔbir le nan tii bibaa. Maan kpaan bi chee baatork ni; maan doon baawaa.

⁵ Uwumbɔr, sin le ye maawangol, le aa tii mi maah ban pu na; maataak ki ga woln na bi sin le aaŋaal ni.

⁶ Saah tii mi ipiin i na kpa iwaan; i ŋan sakpen a.

⁷ Pak Uwumbɔr man, ba pu? u mɔk mi nsan, le kinyeek kan, maalandak sur mi,

⁸ M kani Uwumbɔr m chee n‑yoonn mɔmɔk; U duun mi, le nibaa aan ŋmaa foor mi.

⁹ Nima pu le m kpa mpopiin ki dooni u, le m kpa limakl ke nibaa aan ŋa mi,

¹⁰ ba pu? sin Uwumbɔr le kii mi nkun aapɔɔn chee, le saan cha saatutunn u ŋan na bee fam kitekpiitiŋ ni.

¹¹ Aa ga mɔk mi limɔfal aasan; saah bi m chee pu na le gbiini mi mpopiin, ki joo ni mi mmɔɔn n‑yoonn mɔmɔk.