Ilahn 15 - Uwumbɔr aagbaŋ

Uwumbɔr aah ban pu na

¹ Uwumbɔr, ŋma ga ŋmaa koo saadichal ni? Ŋma ga ŋmaa doon si Sionn, saagongoln li bi chain na pu?

² Unii u keei Uwumbɔr aamɔb tiwan mɔmɔk ni, ki ŋani ni ŋan na n‑yoonn mɔmɔk, aan waamɔliin ye ibamɔn ki gbii na,

³ kaa bii biken aayimbil na le ga ŋmaa koo. Waa ŋani uŋeen aatɔ taani, kaa mooni tibɔr ti kaa gbii na uŋeen aatɔ pu.

⁴ Binib bi Uwumbɔr yii bi na, kina aanii lik bi fam la, le ki tee nyuŋni binib bi keei Uwumbɔr aamɔb na. U yaa puu ke u ga ŋa pu na kan, kina le u ŋani, kaa dakl lik naah ga bii waatuln pu na.

⁵ U pinni binib ilik kaa ban ipaar, kaa gaa igaŋgaŋlik ke u mɔnn inyamɔn paan unii u kaa kpa taani ubaa na pu. Unii umɔk ŋani tiwan nee mɔmɔk na kpa ukikiir.